НИЙГЭМ

"NCD" групп 1 тэрбум төгрөгөөр Ховд аймгийн Булган суманд өрхийн эмнэлэг барьж байна

“Суварга бүтээх нь тухайн газар орны муу мундрыг арилгаж, хамаг амьтныг энх жаргалтай байлгах тусын тулд бүтээж буй их сайн буян юм” хэмээн бурхны номд өгүүлжээ. Харин өнөө цагт энэ үйл хэргийг эрүүл мэндийн төв, цэцэрлэг сургууль тэргүүтэй хүний нэн чухал хэрэгцээнд чиглэсэн бүтээн байгуулалттай дүйцүүлэн ярилцах болжээ. Манай сурвалжлах баг хүн бүхэн сүслэн залбирч, эрүүл энхийн баяр ерөөлөө өргөх нэгэн “суваргын” тухай сурвалжлахаар Улаанбаатараас 1855 км, аймгийн төвөөсөө 385 км алслагдсан Ховд аймгийн Булган суманд ирээд байна. Эрүүл мэндийн суваргын учрыг тайлбаас...


Ховд аймгийн Булган сумын Торгууд ястны өлгий, соёлын биет болон биет бус өвийг тээж яваа, ажил хөдөлмөрч зон олон гэдгээрээ алдартай. Түүнийхээ хэрээр өдрөөс өдөрт өнгөжиж, хөгжил дэвшилтэй хөл нийлүүлэн алхахаар хичээж буй. Гэвч төвөөс алслагдмал байрлалтай, сумын хүн ам их учир тус суманд шийдвэрлэх, шинэчлэх шаардлагатай олон асуудал бий. Үүний нэг нь анхан шатны эрүүл мэндийн тусламж үйлчилгээний хүртээмжтэй байдал юм. 

Тус суманд Үенч, Алтай, Булган гэсэн гурван сумын иргэдэд үйлчилгээ үзүүлдэг сум дундын нэгдсэн эмнэлэг үйл ажиллагаа явуулдаг боловч эмнэлгийн тусламж үйлчилгээний шатлал, чиг үүрэг нь өөр учраас анхан шатны эрүүл мэндийн тусламж үйлчилгээ болон нийгмийн эрүүл мэндийн үйлчилгээг Булган сумын иргэд өрхийн эмнэлгээр дамжуулан авдаг байна. Энэ талаар тус сумын Өрхийн эмнэлгийн дарга А.Түмэнбаяр “Манай өрхийн эмнэлэг анх 1999 онд сумын нэгдсэн эмнэлгээс тусдаа гарч үүсгэн байгуулагдаад 2000 оноос 13 хүний бүрэлдэхүүнтэйгээр үйл ажиллагаагаа явуулж байна. Одоогийн ашиглаж буй байрандаа 22 жилийн турш эмчилгээ үйлчилгээ явуулж ирсэн. Дөрвөн багийн 10 мянга гаруй хүнд үйлчилдэг учраас ажиллах нөхцөл, хүрэлцээний хувьд маш хангалтгүй. Одоогийн байр нийт 4 өрөөтэй. Нэг өрөөнд 3-4 хүн сууж ажлаа хийдэг. Өвчтөндөө үзлэг эмчилгээ хийх, хувийн нууцыг нь хадгалах боломжгүй гэх мэт олон асуудал бий. Ковидын үед бүр ч бэрхшээлтэй байсан. Ганцхан хаалгатай хуучны барилга учраас халдвартай болон эрүүл хүмүүс, эмнэлгийн ажилчид бүгд л нэг хаалгаар орж гарч, эмч ажилчид ч олон удаа өвдсөн. Нөхцөл байдал хүндрэх үеэр бид спорт ордныг эмнэлгийн зориулалтаар ашиглаж байсан” хэмээгээд шинээр ашиглалтад орж буй эмнэлгээ догдлон хүлээж буйгаа хуваалцсан юм.

зураг
зураг
 Ховд аймгийн Булган сумын өрхийн эмнэлэгийн одоогийн нөхцөл байдал

Харин тус суманд тулгамдаад буй уг асуудлыг шийдвэрлэж, иргэдийн эрүүл мэндийн эрхийг хамгаалахаар NCD групп 20 жилийнхээ ойн хүрээнд нийгмийн хариуцлагаа ухамсарлан өөрсдийн 100% хөрөнгө оруулалтаар буюу 1 тэрбум орчим төгрөгөөр 234м2 бүхий 16 өрөөтэй эрүүл ахуйн шаардлага бүрэн хангасан стандартын дагуух Өрхийн эрүүл мэндийн төвийг бүтээн байгуулж ард иргэдэд хүлээлгэн өгөхөд бэлэн болоод байна. Ингэснээр эрүүл мэндийн  чанартай үйлчилгээг иргэдэд улам ойртуулах, хөгжлийг хөдөө орон нутаг уруу ойртуулж байгаа нэг хэлбэр юм.

зураг
зураг
 Ховд аймгийн Булган сумын нутагт шинээр бүтээн байгуулж буй өрхийн эмнэлгийн гадна болон дотор тохижилтын зураг

Тус группийн 20 жилийн ой энэ онд тохиож байгаа. NCD GROUP нь барилга бүтээн байгуулалт, үл хөдлөх хөрөнгийн салбарт 2002 оноос хойш өнөөг хүртэл 20 жилийн түүхийг бичилцэхийн зэрэгцээ салбартаа тэргүүлэгч, манлайлагч компани болтлоо өргөжин тэлж, салбартаа жишиг болохуйц 10 орон сууцны иж бүрэн хотхон хороолол, 5 худалдаа үйлчилгээний цогцолбор барилга бүтээн байгуулж 3000 гаруй айлыг орон сууцаар ханган, 2000  гаруй  хүнийг ажлын байраар тогтмол хангахын зэрэгцээ 360 гаруй чадварлаг мэргэжилтэн, архитектор, инженер техникийн ажилтнуудаар багаа бүрдүүлэн ажиллаж байна.

NCD группийн хувьд бүтээн байгуулалт хийхээс гадна  Хамрын хийд орчим, Баянголын ам,  хэрэгжүүлж буй төслүүдийн талбай, өөрсдийн мод үржүүлгийн газар зэрэгт 350,000 гаруй мянган мод тарьж ногоон хөгжлийн бодлогыг түүчээлээд зогсохгүй Богд Хан уул, Туул гол орчмын хүн амын суурьшлын бүсийг бүхэлд нь гамшгийн эрсдэлээс хамгаалах үерийн усны хамгаалалтын далан, Төв аймгийн Баян суманд 65 хүүхдийн багтаамжтай “Дэлбээ” цэцэрлэг зэргийг бүтээн байгуулж, нийгэмд чиглэсэн олон тооны бодитой хөрөнгө оруулалтыг хийж ирсэн байна. Мөн энэ жил 20 жилийн ойн хүрээнд архитекторын соёлын өв Сэлэнгэ аймгийн Амарбаясгалант хийдийн Цогчин дуганы  гадар, дотор гэрэлтүүлэг, монтажийг шинэчлэх, гадна тохижилтын ажлыг гүйцэтгэж байгаа юм. 

Суваргад өглөө болгон тахил өргөж, хүндэтгэн тойрч маани тарни хөгжөөсөн хүн цаглашгүй их буян хураадаг гэдэг. Харин 10,000 гаруй хүний цаашилбал үе үеийн булганчуудын эрүүл мэнд, амь насыг аврах Эрүүл мэндийн төвийг сүндэрлүүлж буй NCD групп суварга бүтээсний дайтай буян хурааж буй биз ээ. Цаашид ч нийгмийн хариуцлагын хүрээнд олон олон компаниуд боловсрол, эрүүл мэнд, байгаль орчны суваргыг бүтээн байгуулж, буян бум түмээр арвижих болтугай.  

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
12 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-09-02 10:49

ямар хөөрхөн барилга вэ баяр хүргэе компанийн сайн үйлдс дэлгэрэх болтугай

Зочин
Зочин
2022-09-02 11:56

EMNELEG INTERT BOL HEDEN TER BUMAAR ZARTSUULSAN CH YAAADIIIN

Зочин
Зочин
2022-09-02 11:57

zowshdeeeeeeeee

Зочин
Зочин
2022-09-02 11:58

ОРон нутаг гэлтгүй ийм сайхан эмнэлэг баригдаж байгааад хэн бүхний өмнөөс баяртай байна баярл##ааа

Зочин
Зочин
2022-09-02 11:58

Сайхан мэдээ байна

Зочин
Зочин
2022-09-02 11:58

owooooo dooooooo olon hun bayrlahaaar saihan medeeee bna

Зочин
Зочин
2022-09-02 12:00

Ямар сайхан мэдээ вэ тэр чинээгэээрэээ з##уус маань орон нутагтааа ажиллаж ажлын байраар хангагдаж орон нутаг маань илүү сайхан хагжинө дөө

Зочин
Зочин
2022-09-02 12:00

Наад захын маш олон з##уус ажлын байраар хангагдах нь байна шдээ сайхан мэдээ

Зочин
Зочин
2022-09-02 12:01

zaaawal heregjeeerei uneheeer saihan medeeee bna

Зочин
Зочин
2022-09-02 12:01

GYLAILAAAAAAAAA

Зочин
Зочин
2022-09-02 18:25

ЁСТОЙ ГОЁ ЭНЭ БОЛ САЙН МЭДЭЭ ДАНДАА Л АЛЧИХЖЭЭ ХҮЧИНДЖЭЭ ИДЖЭЭ УУЖЭЭ ТОМИЛЖЭЭ ХАЛЖЭЭ .ИЙМ САЙН МЭДЭЭГ ДАНДАА ТҮГЭЭЖ БАЙХ ХЭРЭГТЭЙ ЭНЭ СУМЫН ЭМНЭЛЭГ БОЛ ҮНЭНДЭЭ ШААРДЛАГА ХАНГАХАА БОЛИОД УДАЖ БАЙСАН ЮМ ХАРИН ЧАДВАРТАЙ ЭМЧ НАРЫН БАГ АЖИЛУУЛАХ ХЭРЭГТЭЙ ЭНЭ Л ЧУХАЛ ОДООГИЙХ ШИГ ХОЁУЛАА ЭМЭЭ СОЛИОД ҮЗЭХ ҮҮ? ХЭРВЭЭ ҮХЭХГҮЙ БОЛ ГЭДЭГ ИЙМ ЧАДВАРГҮЙ ЭМЧ НАР БОЛ ХЭРЭГГҮЙ. ЭМНЭЛГИЙН ТОНОГ ТӨХӨӨРӨМЖӨӨ ЯАХ ГЭЖ БАЙНА ЭХО ДУРАН ШИНЖИЛГЭЭНИЙ ЛАБОРТОРИ ГЭЭД ОЛОН ЮМАА НЭГ ДОР ШИЙДҮҮЛЭЭД АВААРАЙ ТАНАЙ СУМААС ЯМАР ТЭНЭГ НЬ ИХ ХУРАЛД ГАРСАН ЮМ ТЭРИЙГЭЭ ДУУД ЭЭДЭЭ МӨН ШИЙДЭЖ ӨГӨХГҮЙ ДЭЭ ХАНГАЙ АВАРГААР ДАМЖУУЛ ОДОО ТЭИЙГ Ч ХАРИН СОНСОНО ШҮҮ ИРЭХ СОНГУУЛИАР ХАНГАЙГ ГАРГАЧИХАА ЕРӨӨСӨӨ

Baatar
Baatar
2022-09-02 18:33

Saihan bainaa

Холбоотой мэдээ

Back to top button