Узбекистаны Самарканд хотноо болж буй Шанхайн хамтын ажиллагааны байгууллагын дээд чуулган гишүүд, хамтрагчдын тоо нэмэгдэнэ гэсэн хүлээлттэй эхэлсэн билээ. Тэгвэл хүлээлт эхнээсээ биелж, Иран улс дөнгөж сая байгууллагын жинхэнэ гишүүнээр элсжээ.
Самаркандад ажиллаж буй Ираны сэтгүүлч Абас Аслани энэ талаар твиттертээ жиргэсэн байна.
Мөн Катар, Египет улсууд албан ёсоор хамтрагч улсын статустай болжээ. ШХАБ-ын Ерөнхий нарийн бичгийн дарга Жан Мин Египетийн Гадаад харилцааны сайд Хамди Санад Лоза, Катарын Гадаад харилцаа хариуцсан төрийн сайд Султан бин Саад аль Мурейхи нартай дээрх шийдвэрийг албажуулжээ.
ШХАБ нь ингэснээр албан ёсны есөн гишүүн,гурван ажиглагч гишүүнтэй болж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.