ДЭЛХИЙНИЙГЭМ

Унах гэнгүүт үхсэн болж жүжиглэдэг морь

Ямар нэгэн зүйл хийх гэж байхад таны залхуу маш их хүрвэл уншигч та хэрхдэг вэ. За, дараа хийе гээд хойш нь тавьдаг уу, эсвэл гүрийж байгаад дуусгадаг уу. Хүмүүс бид ямар нэгэн байдлаар ийм сонголт хийдэг. Тэгвэл эдэлгээнд хэрэглэдэг тэжээвэр амьтдад тэгэх боломж байхгүй.

Тэргэнд хөллөсөн илжиг, тэмээ, моринд хэчнээн хүнд ачаа ачсан ч, хаана ч хүрсэн юу ч болоогүй мэт явдаг. Яагаад гэвэл тэд амьтад нөгөөтэйгүүр хүнтэй ярилцаж, дургүйцлээ илэрхийлж чадахгүй учраас тэр.

Тэгвэл ажлаас бултах аргаа олсон нэгэн морь олны хайрыг ихэд татаж байна. Жинган нэртэй эл хүлгийг унах гэнгүүт үхсэн болж шууд газар унадаг.

Тэр ч бүү хэл хэлээ унжуулж, тун ч чадамгай жүжиглэдэг гэнэ. Тэгээд хэсэг хугацаанд хөдөлгөөнгүй хэвтэн, ойр хавиа сайтар ажиглана. Лууван өгөөд ч нэмэргүй, аманд нь зуулгасан ч иддэггүй гэнэ.

Эзэн нь холдсоны дараа юу ч болоогүй мэт босоод ирдэг. Жинган нэг л зөрүүдлээд, сэргэлэнтвэл яаж ч аргадаад нэмэргүй гэнэ.

Б.БУЯНДАЛАЙ

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close