ДЭЛХИЙ

БНСУ-ын онгоцны үйлчлэгчийг тэвэрсэн Оросын иргэнийг саатуулжээ

Үндсэн хуулийн цэцийн дарга Д.Одбаяр БНСУ-ын онгоцны үйлчлэгчид бэлгийн дарамт үзүүлсэн, монгол орчуулагчтайгаа зүй бус харилцаж, доромжилсон гэх хэрэгт холбогдон, тус улсад шалгагдаж байгаа. Одоогоор түүнийг БНСУ-аас гарахыг 10 хоногоор хориглоод байгаа.

Д.Одбаярын дуулиан намжаагүй, хэргийг нь ид шалгаж байгаа энэ үед ОХУ-ын нэгэн иргэн түүнийхтэй адил хэрэгт холбогджээ. Филиппинээс БНСУ-ын чиглэлд нисэж явсан онгоцны зорчигч, ОХУ-ын иргэн онгоцны үйлчлэгч бүсгүйн бэлхүүсээр тэвэрчээ.

Эл хэргийн талаар БНСУ-ын нисэх багийнхан цагдаад мэдэгдсэн гэнэ. Улмаар Инчоны цагдаагийн газрынхан тус онгоцыг БНСУ-д газардсаны дараа тухайн орос иргэнийг саатуулсан талаар тус улсын хэвлэлд мэдээллээ.

Эх сурвалж: Korea Times
Н.ГАН

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close