Мөрийтэй тоглож байсан долоон иргэнийг үйлдэл дээр нь барьжээ
Чингэлтэй дүүргийн прокурорын газар болон Чингэлтэй дүүрэг дэх цагдаагийн газар хамтран гэмт хэргээс урьдчилан сэргийлэх ажлын хүрээнд өнгөрсөн шөнө /2020.03.28/ зарим хороодоор гэнэтийн шалгалт хийв. Шалгалтаар Чингэлтэй дүүргийн 1-р хороонд нэр бүхий долоон этгээд мөрийтэй тоглоом тоглосон гэмт хэргийн шинжтэй байж болзошгүй нөхцөлийг илрүүллээ.
Чингэлтэй дүүргийн прокурорын газрын Ерөнхий прокурорын орлогч Т.Оргил-Очир “Эрүүгийн хуулийн тусгай ангийн 20.17 зүйлд заасан мөрийтэй тоглоом зохион байгуулах гэсэн мэдээллийг аваад Цагдаагийн нэгдүгээр хэлтсийн бие бүрэлдэхүүн прокурорын хяналтын дор хойшлуулшгүй ажиллагаа явуулж байна” гэв.
Үр дүнг нь урьдчилан төсөөлөх боломжгүй аз туршиж тоглодог мөрийтэй тоглоом зохион байгуулсан гэмт хэргийн шинжтэй байж болзошгүй энэхүү үйлдлийг Цагдаагийн албан хаагчид үйлдэл дээр нь барьсан юм.
Чингэлтэй дүүргийн нэгдүгээр хорооны найман айлын байр гэх энэхүү газарт нэр бүхий долоон иргэн байсан бөгөөд бүрдүүлсэн орчин нөхцөлөөс нь харахад нэг удаагийн үйлдэл биш ажээ.
Нийт таван өрөө, хивсэн доороо нуусан зоорьтой байсан ба гаднах орчноо хардаг камерын системтэй байр байв.
ЭХ СУРВАЛЖ: gogo.mn
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Yur ni hun uuriinhuu munguur togolnu yaanuu yamar hamaa bna
ooriinhoo mongoor toglood aldaad ireheeree luivariin mongoor toglodog ymdaa