Улсын Их Хурлын 2020 оны хаврын ээлжит чуулган цахимаар хуралдаж байна. Коронавирусийн халдвараас сэргийлэх зорилгоор УИХ-ын гишүүд төрийн ордны таван танхимд хуваагдан цахимаар хуралдаж байгаа билээ. Хуралдаанаар улс оронд зарлагдаад буй өвчний онц байдал, цаашлаад эдийн засагт үүсээд буй хүндрэлийг даван туулах арга хэмжээг яаралтай авахын тулд Засгийн газраас өргөн барьсан тогтоолын төслийг хэлэлцэнэ. Түүнчлэн УИХ-ын дэгийн тухай хуулийн өөрчлөлтийг өнөөдөртөө багтаан хэлэлцэн батлах юм байна.
Хурлаар яригдсан бас нэгэн чухал сэдэв бол үйл ажиллагаа доголдсон байгууллагын иргэн бүрт улсаас 200 мянган төгрөгийг өгнө хэмээх мэдээллийн тодруулга байв.
Сангийн сайд Ч.Хүрэлбаатар: 200 мянган төгрөгийг төрийн шийдвэрээр үйл ажиллагаа нь зоссон гэхдээ ажлын байраа хадгалж байгаа ААН-ийн ажилтнуудад олгохоор шийдвэрлэсэн. Хэд орчим хүнийг хамрахыг мэдэхгүй юм.
Шийдвэр гараад үйл ажиллагаа нь доголдсон их, дээд сургууль, ЕБС, цэцэрлэг, хувийн хэвшлийн ААН-үүд бүгд хамрагдана. Гэтэл нөхцөл байдал яаж өөрчлөгдөхийг мэдэхгүй байна. УОК-оос ч юм уу шийдвэр гаргаад ААН-үүдийн үйл ажиллагааг зогсоовол тэдгээр ААН-үүд бүгд хамрагдана. Мөнгийг хувь хүнд олгоно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ene odoo dandaa ar dagzand ni yum yarij yavah yumaa shilnii tsaanaas chiher haruulj huuraad bdag yumuu haashaa yum be