Eguur.mn сайт өнгөрөгч гуравдугаар сарын 02-нд “Төв банкны араас ядарсан иргэдийн мөнгийг ХҮҮЛДЭГ мөнгөний “бодлого тодорхойлогчид” гэх нийтлэл олон нийтэд хүргэж байсан билээ. Эл нийтлэлд нэг гараараа төв банканд ажиллаж мөнгөний бодлого тодорхойлдог, нөгөө гараараа банк бус санхүүгийн байгууллага ажиллуулж ядарсан иргэдээс мөнгө хүүлдэг төв банкны зургаан ажилтны тухай дэлгэрэнгүй мэдээлж байв.
Тэгвэл өнөөдөр /2020.04.21/ АТГ-аас Монголбанкны албан тушаалтнууд ББСБ-ын үйл ажиллагаа эрхлэхгүй байхаар журамлана гэдгээ зарлалаа.
АТГ-ын энэхүү мэдээлэлд, Авлигатай тэмцэх газраас шаардсаны дагуу Монголбанкны албан тушаалтнууд ББСБ-ын үйл ажиллагаа эрхлэхгүй байхаар журамлахаар болжээ. Авлигатай тэмцэх газраас сүүлийн үед хэвлэл мэдээллийн хэрэгслээр гарч байгаа “Монголбанканд ажилладаг нэр бүхий албан тушаалтнууд болон тэдний хамаарал бүхий этгээдүүд нь банк бус санхүүгийн байгууллага үүсгэн байгуулсан, хувь эзэмшиж байгаа” талаарх мэдээллийн мөрөөр хянан үзсэн байна. Банкуудын үйл ажиллагаанд хяналт тавьж ажилладаг Монголбанкны эрх бүхий удирдах албан тушаалтнууд нь барьцаалан зээлдүүлэх, гадаад валют арилжааны чиглэлээр банк бус санхүүгийн байгууллага үүсгэн байгуулж, хувь эзэмшиж байгаа нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 3 дугаар зүйлийн 3.1.11-д заасан “олон нийтийн зүгээс ашиг сонирхлын зөрчилтэй гэж ойлгогдохуйц нөхцөл байдал”-ыг бий болгосон байна. Авлигатай тэмцэх газраас авлигын эсрэг хууль тогтоомжид заасан үүргийг хэрэгжүүлэхэд онцгой анхаарахыг Монголбанканд албан бичгээр хандав. Тухайлбал, хууль тогтоомжид заасан хориглолт болон ёс зүйн дүрмийг хэрэгжүүлэх, албан тушаалтнууд өөртөө болон хамаарал бүхий этгээддээ хууль бус давуу байдал бий болгох, албан үүргийнхээ дагуу олж авсан мэдээллийн нууцлалыг алдагдуулахгүй байх зэрэгт тавих дотоод хяналтыг эрчимжүүлэх шаардлагатай гэв. Түүнчлэн сул орон тоо гарсан тохиолдолд сонгон шалгаруулалтыг нээлттэй, ил тод явуулах, ялангуяа удирдах албан тушаалтны манлайлал, ажлын байрны тодорхойлолтод заасан шаардлага, шалгуур үзүүлэлтийг сайтар хянан үзэх чиглэлээр зохион байгуулалтын арга хэмжээ авахыг Монголбанканд даалгасан байна. Монголбанкны ерөнхийлөгч Б.Лхагвасүрэнгээс ирүүлсэн хариу албан бичигт хувийн ашиг сонирхлын болон хөрөнгө, орлогын мэдүүлэг гаргах үүрэгтэй 240 албан тушаалтны ажлын байрны тусгай шаардлагад “банк бус санхүүгийн байгууллага үүсгэн байгуулсан, хувь эзэмшдэггүй байх” гэсэн заалтыг тусгахаар болсноо мэдэгдсэн байна. Албан тушаалтнуудын хамаарал бүхий этгээдүүдийн судалгааг шинэчлэн гаргаж, цаашид авлигын эсрэг хууль тогтоомжийг чанд хэрэгжүүлэн ажиллахаа илэрхийллээ.
Төв банкны араас ядарсан иргэдийн мөнгийг ХҮҮЛДЭГ мөнгөний “бодлого тодорхойлогчид” нийтлэлийг бүрэн эхээр нь ЭНД ДАРЖ уншина уу.
ӨМНӨХ КОНТЕНТУУД:
“Ядарсан иргэдийнхээ мөнгийг банк бусаар хүүлэгчид УИХ-ын гишүүн болох нь ёс зүйд нийцэх үү” нийтлэлийг ЭНД ДАРЖ уншина уу.
ТАНИЛЦ: Ядарсан иргэдийн мөнгийг банк бусаар хүүлдэг НИТХ-ын төлөөлөгчид нийтлэлийг ЭНД ДАРЖ уншина уу.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ Алдармаа гэхэд л 14 тэрбумын хадгаламжтай хүн. Гэтэл Монгол банкинд сарын 900 мянган төгрөгний цалин аваад сууж байгаа нь яах аргагүй валютын ханш, зээлийг хүүг буулгахгүй барьж суух гэсэн үүрэгтэй, улс орныг хохироох гээд сууж байгаа
Энэ бол байж болохгүй асуудал. Мөнгө угаагаад байгаа юм биш үү.
хэзээ цэгцлэх вэ ярьсаар мэдсээр олон жилийг авлаа даа
hezee ch chadahgui batalgaatai helii