У.Отгонбаяр гишүүний Дорнодод дагуулж очсон "Мобиком"-ын захирлууд тул агнахаар яваад, Нөмрөгийн дархан цаазат газрыг шатаажээ
УИХ-ын гишүүн У.Отгонбаяр, Мобиком Корпорацийн захирлууд тэргүүтэй хүмүүс энэ сарын 7-ны өдөр Дорнод аймгийн Халхгол сумын Сүмбэр боомтод очсон. Шалтгаан нь Сүмбэр боомтыг Мобиком корпорацын хөрөнгө оруулалтаар өндөр хурдны шилэн кабелиар холбосон ажлын нээлт байв. Үйл явдалыг тодруулбал, Мобиком Корпораци нийгмийн хариуцлагын хүрээнд хийж хэрэгжүүлсэн Халхголын хилийн отрядын заставыг 4G сүлжээнд холбож, Сүмбэр боомтод шилэн кабелийн холболт нэвтрүүлсэн ажлыг хүлээлгэн өгсөн байна.
Маргааш нь буюу энэ сарын 8-ны өдөр Мобиком корпорацын захирлууд тэргүүтэй таван машин хүн цэнгэг усны тул загас барихаар Хил хамгаалах ерөнхий газрын харьяа Хилийн цэргийн 0198-р ангийн захирагч, хурандаа н.Гантөгсийн зөвшөөрлөөр дархан цаазат газарт нэвтэрчээ. Улмаар Мобиком Корпорацийн Япон захирлын "Nissan Patrol-Y62" маркийн 60-11 ... улсын дугаартай машин дархан цаазат газарт зорчих үед доод хэсэгт нь өвс их хэмжээгээр орооцолдож шатсаны улмаас гал түймэр гарсан байна.
Тэгвэл "УИХ-ын гишүүн У.Отгонбаяр дагуулж очсон Мобиком корпорацын захирлуудтай хамт дархан цаазат газарт ан хийж хууль зөрчиж яваад түймэр дэгдээлээ" гэх мэдээлэл өнгөрсөн амралтын өдрүүдэд цахим сүлжээгээр "хүчтэй" яригдаж, олны анхаарлыг татах болов.
Эх сурвалжийн өгсөн мэдээллээр "У.Отгонбаяр гишүүн Сүмбэр боомтыг шилэн кабелд холбосон ажлын нээлтэд оролцсон өдрөө хот руу буцсан бөгөөд түймэр гарсан өдөр Улаанбаатар хотод ирсэн байсан" аж.
Түймэрт өртсөн Дархан цаазат газрын видео /иргэний бичлэг/:
Түймэрт өртсөн Нөмрөгийн дархан цаазат газар нь намаг шалбааг ихтэй, олон даваа, гүвээтэй учраас машинтай явахад хэцүү газар. Өөрөөр хэлбэл, "томчууд" эрх мэдэл бүхий албан тушаалтан, олигархууд баавгай, уссурийн хандгай, голын халиу, бор гөрөөс, зэрлэг гахай зэрэг амьтдыг агнах гэж очдог байна. Одоогоор түймэрт Монгол улсын зүүн цэг болох Соёлз уул, Модтой хамар даваа, Гурван гол, Дуут, Ар Өвөр сүм зэрэг дархан цаазат газар шатжээ.
-Нөмрөгийн дархан цаазат газар Соёлз уултайгаа хамт шатаж дуусав-
Эх сурвалжийн мэдээлснээр,
"Тус таван машинд Мобиком Корпорацийн удирдах албан тушаалтан гурван хүн, орон нутгийн хоёр иргэн, УИХ-ын гишүүн асан Ж.Батзандангийн төрсөн дүү зэрэг хүмүүс зорчиж явсан. Нөмрөгийн дархан цаазат газарт нэвтрэх зөвшөөрлийг Хил хамгаалах ерөнхий газраас аваагүй, хурандаа н.Гантөгсөөс зөвшөөрөл аваад л орсон.
Тухайн үед байгаль хамгаалагчтай таарсан ч "бид Гантөгсөөс зөвшөөрөл авсан, явуул" хэмээн илт дээрэнгүй харьцаж байсан. Тус газарт энгийн иргэд нэвтрэх бараг боломжгүй, зөвшөөрөл огт өгдөггүй. Зөвхөн өндөр албан тушаалтан, хөрөнгө мөнгөтэй хүмүүс л ан хийж зугаацах гэж нисдэг тэргээр нэвтэрдэг.
Түймэр гарах шалтгаан болсон Мобиком Корпорацийн захирлууд болон бусад хүмүүсийг Халхгол сумын Цагдаагийн газарт дуудан мэдүүлэг авсан. Гэтэл захирлууд Улаанбаатараас өмгөөлөгч дуудаж, өөрсдөө хот руу буцсан.
Монгол орны цор ганц гэгдэх дархан цаазат газар шатаж, нэн ховор ан амьтад нь түймрээс дүрвэж БНХАУ-ын хил рүү олноороо орсон. Түймэр дэгдсэн өдрөөс эхэлж Хятадын хилийн цэрэг бэлтгэл ажлаа хангаж, түймрийг цурамд оруулж байгаа. Мөн түймрээс дүрвэсэн амьтадыг өөрсдийн хил рүү нэвтрүүлж байна" гэв.
Монгол Улсын эрүүгийн хуулиар дархан цаазат газар зэрэг улсын тусгай хамгаалалттай газар нутагт зөвшөөрөлгүй ан агнах нь гэмт хэрэг. Тухайлбал, эрүүгийн хуулийн 24.5.2-т зааснаар улсын тусгай хамгаалалттай газар нутагт зөвшөөрөлгүйгээр амьтан агнасан, барьсан бол 5.4–27 сая төгрөгөөр торгох, эсвэл 1–5 жилийн хугацаагаар зорчих эрхийг хязгаарлах, эсвэл 1–5 жил хүртэл хорих ял шийтгэх хуультай.
-У.Отгонбаяр гишүүний дагуулж очсон "Мобиком"-ын захирлууд түймэр гаргаснаа зөвшөөрөв-
Энэ талаар Мобиком Корпораци "2026 онд Халхголын хилийн бүх заставыг 4G сүлжээнд холбож, Сүмбэр хилийн боомтод шилэн кабелийн холболт нэвтрүүлж, сүлжээний чанар, хүртээмжийг сайжруулсан. Эдгээр бүтээн байгуулалтын ажлыг хүлээлгэн өгөх, сүлжээний ажиллагааг шалгаж, сайжруулах, цаашид харилцаа холбооны сүлжээ нэвтрүүлэх боломжийг нэвтрүүлэх, судлах үеэр тээврийн хэрэгсэлд гал гарч, тухайн бүс нутагт хээрийн түймэр гаргасан харамсалтай үйл явдал боллоо" хэмээн мэдэгдсэн.
Монгол Улсын хуулиар хээрийн түймэр гаргах нь эрүүгийн хуулийн 24.7 дугаар зүйлээр зохицуулагддаг бөгөөд санаатай эсэх, ямар хохирол учирсанаас хамаарч ял шийтгэл нь өөр юм. Тухайбал, гал, шатамхай зүйлтэй болгоомжгүй харьцсаны улмаас ой, хээрийн түймэр гарч хүний бие махбодид хүнд хохирол учирсан, хүний амь нас хохирсон, их хэмжээний хохирол учирсан бол 1–5 жил хүртэл хорих ялтай. Харин санаатай тавьсан бол 2–8 жил хүртэл хорих ялтай зүйл ангиар шалгаж, шийтгэх хуультай.
Түймрийг эргэн санабал, Дорнод аймгийн Халхгол сум, Цогтсүмбэр багийн Бичигтийн-Өндөр гэдэг газарт ой хээрийн түймэр гарсан" гэх дуудлага энэ сарын 8-ны өдрийн 11:55 цагт Онцгой байдлын газарт ирсэн. Дуудлагын дагуу галыг унтраахаар Дорнод, Өмнөговь, Дорноговь аймгийн Онцгой байдлын газрын алба хаагчид, Хилийн цэргийн ангийнхан, Халхгол сумынхан болон Нөмрөгийн дархан цаазат газрын захиргааныхан дөрөв дэх өдрөө унтраахаар ажиллаж буй юм.
Түймрийн голомт Дорнод аймгийн төвөөс зүүн урд зүгт 485 км зайд, Халхгол сумаас зүүн урд зүгт 125 км зайд, Нөмрөгийн дархан цаазат газрын Задгайт, Хоньт, Азарга уул, Баян хээр орчмоор гал түймэр тэлжээ. Улмаар түймрийг унтраахаар нэмэлтээр Сүхбаатар, Хэнтий аймгийн Онцгой байдлын газар болон Багануур дүүргийн хэлтсээс онцгой байдлын бүлэг гаргаж, хүч нэмэгдүүлж ажиллаж буй талаар албаныхан мэдээлсэн. Мөн түймрийг унтраахад Дорнодын УЦУОШТ-өөс үүлэнд зориудаар нөлөөлөн, дэмжлэг үзүүлэхээр болсон.
Бид түймрийн нөхцөл байдлын талаар Дорнод аймгийн ОБГ-ын мэргэжилтэн, ахмад Н.Хатанбүүвэйтэй холбогдож тодруулахад "Түймэр гарсан газар нь өвсний гарц сайнаас гадна намаг шалбааг ихтэй, олон даваа, гүвээтэй учраас машинтай явахад бэрх учир алба хаагчид мориор, явганаар үүрэг гүйцэтгэж байгаа. Нөхцөл байдлаас хамааран зарим газарт дрон ашиглаж байна. Одоогоор түймрийн голомтод 140 гаруй хүн 18 техниктэй ажиллаж, цурамд оруулсан. Мөн Дорнодын УЦУОШТ-өөс үүлэнд зориудаар нөлөөлөн, дэмжлэг үзүүлэхээр болж боломжтой үүлийг судалж эхэлсэн. Улмаар энэ сарын 12-нд хур тунадас оруулж болох боломжтой үүл гарахаар байна" хэмээн мэдэгдэв.
Түүнчлэн Дорнод аймгийн Булган, Матад суманд түймэр дэгдээд байна. Нөмрөгийн түймрийн голомт Задгайт, Хоньт, Азарга уул орчмоор тэлсэн тул Сүхбаатар, Хэнтий аймгийн Онцгой байдлын газар болон Багануур дүүрэг болон БНХАУ-ын талаас нийт 215 хүн, 38 техниктэй оролцож байна. Бид энэ талаар эргэн мэдээлэх болно.
Онцгой байдлын ерөнхий газрын мэдээлснээр Дорнод аймгийн Халхгол суманд энэ сарын 08-нд гарсан хээрийн гал түймрийг өнөөдөр (2026.10.12) 00:55 цагт цурамд оруулжээ.
Б.САНАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Togos, Soyolz uul, Modtoi hamar davaa geed zun zungiin uzesgelentei gazar maань unen hamsaj duuslaa
Gantogs huwantsar gedeg nuhur zovshoorol ugch uursduu darhan tsazat gazar ntr ruu orson n tsuwral gemt hereg
Hiliin tsergiin 0198-r angiin zahiragch n.Gantogs yagaad iim zovshoorol ugch zovtsgoov oo, hariutslaga huleelge
Hyatadin hiliin tsergiinhan ochij tuihriig tsuramd oruulj baigaa gej bodhoor mongolyn turod zevseh alga uu
Ene urgeljilsen tuihriig doloogoh gej 215 hun 38 technik zutgej baihad zahirluud ni zugaalj yavsan bna
Ийм балай юмнууддаа хариуцлага тооц л доо
Mobicom-iin zahirluud gej darga nar ni darhan tsazat gazar luu an hiij yvj baij tsastai hicheer turtsgelee shd
Nomrogiin darkhan tsazat gazar buh araatan amitan ni hyatad ruu durveed, oin tsuil ni shataad duuslaa daa
U.Otgonbayar gishuun uuruu buteen baiguulalt gej garchihseed daraa ni zahirluud ni ang hiij yvj tuihr uvsdug
Yapon zahirluud n uls ni shatdag bolhoor Mongol shig bas dald tuihr tavichdag zuil meddeggui yum uu
Mobicom-iinhan 4G suljee ntr gej shou hiij yvj baij mongol orny uzesgeleng huraaj tsuilluu
Nomrogiin darhan tsazat gazar gej Mongolyn tsogts baigaliin unet zuil bsn ymisan, odoo unsen nuurs bolloo
Mobicom-iig boykotleh heregtei, darhan tsazat gazar rluu ang hiih gej dald zugaalsan zahiral nar odoo shogond orno
Ondogshilnii heseg, darhan tsazat gazar luu ene mungiin uls dandaa zovshoorolgui ntr ntr gaj davardag
Mobicom-iin zahiral nar omgoologch duudaad hotruu zugtsan gej baih chin yaaj baigaa novshnuud ve
Mongol ulsad darhan tsazat gazar zovshoorolgui orson 5 mashiin humuusiig bugdiig ni shuud shorond hiich
Tuihriig darah gej zutgej bgaa ontsgoiin alban haagchdiin zovlong nuhduud zugaaj yvaad l vvsgesen
Хүрэлсүх лаларын балаг дуусахгүй нь ээ. Дүүг нь гишүүн өллгоод байхдаа яахав дээ. Дүүрсэн тэнэг фсдакууд даа монголчууд
УИХ-ын халдашгүй Дархан эрх Улс орныг сүйдлэж дуусах нээ,
Зөвшөөрлийг ном журмаар нь авах ёстой байсан. Зөвшөөрөл өгөхгүй л байсан байх. Өгсөн ч ямар асуудал үүсч болох талаар анхааруулга өгөх тул сонор сэрэмжтэй явах байсан даа.
За тэгээд төлбөр мөнгөө төлөх биздээ айн?!
Улс Mobicom ХХК бүтэнээр авсан ч төлж хүрэхгүй хохирол учруулсан юм биш үү? Арай ч дээ, хайран сайхан онгон нутаг минь! Хэдэн далдганасан юмны 4G байлаа ч яалаа байхгүй ч яалаа!!!