Өнөөдөр |2026.10.12| УИХ дахь АН-ын бүлэг даргаа сонгоно.
Мэдэхчлэн, эдүгээ УИХ дахь АН-ын бүлгийг тус намын дарга О.Цогтгэрэл хавсран гүйцэтгэж буй. Тэрбээр 2024 оны УИХ-ын сонгуулийн үр дүнгээр бүрдсэн бүлгээ удирдаж байгаад, АН-ын дарга болсон. Улмаар бүлгийн даргаа шилжүүлэх процесс эдүгээ өрнөж байна.
Өнгөрөгч долоо хоногт тэрбээр бүлгийн даргын суудлаа шилжүүлэн өгөхөөр тамга тэмдгээ хуралдаанд авчирсан. Гэвчиг таван гишүүн бүлгийн хуралдаа хүрэлцэн ирж амжаагүй шалтгаанаар дарга сонгох асуудлаар хойшлуулсан юм. Мөнхүү энэ үеэр бүлгийн даргын тамгыг Д.Цогтбаатар, Ц.Баатархүү нар түү "авч зугтсан" тохиолдол гарсан юм. Бүлгийн даргад,
- О.Цогтгэрэл болон АН-ын бүлгийн ихэнх гишүүдийн зүгээс Х.Тэмүүжинг,
- АН доторх Ерөнхийлөгчийн жигүүрээс Б.Түвшинг дэвшүүлж, харилцан саналаа тоолох дотоод өрсөлдөөнд ороод буй.
О.Цогтгэрэлийн хувьд 2024 оны наймдугаар сард АН-ын даргаар сонгогдож, улмаар УДШ ажлын 14 хоногт багтаан, албан ёсоор тамга эзэмших эрхийг нь өгсөн. Ингэж 2016 оны сонгуулиас хойш МАН-ын тоглоомонд орж, институцын нам бус болтлоо сийрэгжиж, тамга тэмдгийн маргаантай явсаар ирсэн АН бүрэн бүтэн тамга эзэмших болсон юм. Мэдээж, энэ эрхийг О.Цогтгэрэлд олгосон гол хүн нь Ерөнхийлөгч У.Хүрэлсүх байв.
Тэр ч утгаараа АН-ын генсекээр С.Баярцогтыг томилох процесст О.Цогтгэрэл хүчгүйдсэн харагдсан. Ийм байдлаар С.Баярцогтоор дамжиж, өнөөгийн Ерөнхийлөгчийн нөлөө АН дотор бэхжиж, бүлэг дотор нь 13 гишүүн бүхий эвсэл үүсчхээд буй юм. Уг эвслийн нэг гишүүн нь АПУ угшилтай, ББСБ, кионы мөнгөөр УИХ-д орж ирсэн гэгддэг Б.Түвшин.
Нэг ёсондоо Ерөнхийлөгчийн хүслээр Б.Түвшин Ан-ын бүлгийн даргад нэр дэвшиж байна гэсэн үг. Нөгөө талд бие даасан намын статусаа бэхжүүлэхийн тулд О.Цогтгэрэл Х.Тэмүүжинг бүлгээ шилжүүлэх сонирхолтой байна гэсэн үг.
Утгачилбал, О.Цогтгэрэл АН-ын даргын хувиар генсекээ Ерөнхийлөгч У.Хүрэлсүхийн нөлөөгөөр томилсныхоо дараа өөрийн хүслээр Х.Тэмүүжинд бүлгээ өгч чадах уу. Дахин Ерөнхийлөгчийн хүмүүс бүлгээ алдах уу гэдгээ өнөөдөр шийднэ гэсэн үг.
АН-ын дүрмийн дагуу бүлгийн нийт гишүүдийн дунд санал хураалт явуулж, олонхын санал авсан нь бүлгээ удирдах юм.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.