Сэтгүүлчдийн төлөөлөл Т.Шинэбаярыг цагдан хорьсныг эсэргүүцэн Төв талбайд цуглан, байр сууриа илэрхийллээ
Урьд шөнө сэтгүүлч Т.Шинэбаярыг цагдаагийн байгууллагаас хойшлуулшгүй ажиллагаагаар 48 цагийн хугацаатайгаар цагдан хорьсон. Үүнийг эсэргүүцэж МСНЭ-ээс мэдэгдэл гаргасан. Мөн сэтгүүлчдийн төлөөлөл Төв талбай дээр эсэргүүцлээ илэрхийлэн жагслаа.
Энэ үеэр МСНЭ-ээс "Төрийн өндөр албан тушаалтны хувийн эд хөрөнгөтэй холбоотой мэдээллийг хэвлэн нийтлэснийхээ төлөө хойшлуулшгүй ажиллагаа буюу онц хүнд гэмт хэрэгтнийг, хууль зөрчих гэмт хэрэг хийсэн этгээдэд хэрэгжүүлдэг ажиллагаагаар цагдан хоригдлоо. Үүнийг МСНЭ эрс эсэргүүцэж байгаагаа илэрхийлж байна. Хамгийн гол нь цагдаагийн байгууллагаас ямар үндэслэлээр, яагаад цагдан хорих болсноо олон нийтэд мэдээлэх ёстой. Ингэхгүй байгаа нь ардчиллын гол үнэт зүйл болсон хэвлэн нийтлэх эрхийг хаасан, хорьсон, боогдуулж шахсан зүйл боллоо гэж дүгнэхэд хүрч байна. Иймд хууль хяналтын байгууллагууд яаралтай тайлбараа өг. Сэтгүүлч Т.Шинэбаярыг сулла гэх шаардлагыг дэвшүүлж, сэтгүүлчдийн төлөөлөл уриа лоозонгоо барьж, жагсаж байна" гэх байр суурийг илрхийллээ.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Shantaaj buu hii?!? Sain unsh, sain bolovsor…