Д.Нямхүү: Эдгэрсэн хүний тоо 33 боллоо
УОК-ын өргөтгөсөн хуралдаан өнөөдөр болж байна. Энэ үеэр ХӨСҮТ-ийн ерөнхий захирал Д.Нямхүүгийн мэдээллийг сонслоо.
Тэрбээр “ Монгол Улсад албан ёсоор гаднаас зөөвөрлөгдөн орж ирсэн 141 тохиолдол бүртгэгдээд байгаа. 8-60 насны хүмүүс зонхилж байна. Халдвар авсан хүмүүсийн дундаж нас 24. Нийт 33 хүнийг эмчилж эдгээснээс, 19 хүн эдгэрч гараад сувилалд хэвтэж байгаа. Гадаадын 4 иргэн бий. Өнөөдрийн байдлаар нийт 108 хүн эмчлүүлж байгаа. Вируслогийн лабораторид 12 мянга гаруй хүний шинжилгээг хийсэн. Тандалтын судалгааг долоо хоног бүр хийж байгаа. Дотоодод вирус тараагүй. Нэгдүгээр сарын 6-наас хойш 12,000 гаруй шинжилгээ хийсэн байна. Улсын хэмжээнд зургаан лаборатори ажиллаж байгаа. Тандалтын шинжилгээг тогтмол хийж байгаа бөгөөд одоогийн байдлаар коронавирусийн халдвар илрээгүй байна. Тавдугаар сарын 13-нд ОХУ-ын 15 хотод суралцаж байсан цэргийн сургуулийн оюутнууд ирсэн. Нийт 57 оюутнаас коронавирусийн халдвар илэрсэн бөгөөд хөнгөн байдлаар өвчилж, хурдан эдгэж байна” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.