Өнөөдрийн /2020.06.04/ ЭМЯ-ны ээлжит хэвлэлийн хурлын үеэр коронавирус тусан эмчлүүлж байсан 21 иргэн эдгэрч, ХӨСҮТ-өөс гарсан талаар мэдээлсэн. Үүгээр нийт 65 тохиолдол эдгэж, дараагийн шатны ажиглалт руу шилжээд буй юм. Тэдний 13 нь бүрэн ажиглалт, тусгаарлалтаас гарчээ.
Харин энэ талаар Эрүүл мэндийн сайд Д.Сарангэрэл өөрийн нүүр хуудсанд,
“21 оюутан хүүхэд эдгээд гарлаа, манайхан. Ямар сайхан өдөр вэ. Цагаан нөмрөгт баатрууддаа баярлалаа. Төр түмэн та бүхний маань хөдөлмөр бүтээлийг үнэлэх цаг ойрхон гэдэгт итгэж байна. Нэг өдөр 20 оюутан халдвартай гарахад бид бүгдээрээ хямарч байсан бол өнөөдөр тэд маань эдгэрч эмч мэргэжилтэн, ээж ааваа баярлуулж байна. Эмчлээд эдгээх, тосоод авах эх оронтой байна гэдэг их хувь заяа шүү залуус минь. Тэднийгээ хайрлаарай” хэмээн бичжээ.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.