НИЙГЭМ

ФОТО: М.Мягмарсайхан Чулуутын хавцал дээгүүр хамгаалалтгүй алхлаа

Циркийн жүжигчин, экстрем артист М.Мягмарсайхан энэ сарын 8-нд Архангай аймгийн Чулуутын хавцал дээгүүр 50 метрийн өндөр 130 метр олсон дээр ямар ч хамгаалалтгүй алхаж “тэнгэрийн алхаа” хийлээ. Skywalk хэмээх энэ экстрем үзүүлбэр нь европ, АНУ, БНСУ, БНХАУ-д эрчимтэй хөгжиж байгаа бөгөөд өндөр утсан дээрх эл үзүүлбэрийг өнөөдөр хийж байгаа цорын ганц монгол хүн нь М.Мягмарсайхан юм. Тэрбээр 1999 оноос циркийн чанга утасны үзүүлбэрт бэлтгэж байгаад 2002 онд манежинд өндөр утасны highwire үзүүлбэр тоглож, улмаар 2005 оноос барилга байшин, уул хад, цэнгэлдэх хүрээлэнгийн дээгүүр татсан утсан дээгүүр хамтрагч Фрэдди Ноктой явдаг болсон юм.

Тэрбээр өнгөрсөн жил эх орондоо анх удаа skywalk хий Өвөрхангай аймгийн Улаанцутгалан хүрхрээн дээгүүр 28 метрийн өндөр 57 метр тросс байршуулж алхсан бол энэ удаа амжилтаа ахиулж Чулуутын хавцал дээр skywalk хийж, энэ үзүүлбэрийг бодитоор 4000 гаруй хүн ирж үзэж сонирхлоо.

Аялал жуулчлалын шинэ брэнд бүтээгдэхүүн бий болгох, хүний амины үнэ цэнийг ойлгуулах, монголын үзэсгэлэнт байгалиа гадаад, дотоодын үзэгчдэд уран бүтээлээ дамжуулан сурталчлах гээд олон давхар зорилго агуулсан энэ үзүүлбэрийг бий болгоход 50 гаруй хүний бүрэлдэхүүнтэй циркчдийн баг ажилласан юм.

Амьдрал бол тэнцвэр гэсэн уриатайгаар хийж байгаа түүний эвентийг “Монос” группийн Экос цэвэр ус дэмжин ажиллаа.

Тэрбээр ирэх жил Архангай аймгийн Хоргын тогоо, Булган аймгийн Уран тогооны аль нэгэн дээр скайвок хийхээр судалгаагаа эхлүүлээд байгаа юм. Түүнчлэн Улаанбаатар хотод өндөр барилга дээгүүр мэргэжлийн багийнхантайгаа хамтран энэ үзүүлбэрээ хийх хүсэл ч бий аж.

Г.САНСАРМАА

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

Нэг сэтгэгдэл

  1. Ёстой мундаг агуу юм. Цөөхөн хүн амтай орноос минь агуу хүмүүс их гарах юм даа. Баяр хүргэж улам их амжилт гаргахыг хүсэн ерөөе

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button