ШӨХТГ: Талх, гурилын үнэ нэмэх шалтгаан байхгүй, нэмсэн газруудыг шалгана
Өнөөдөр /2020.09.07/ Шударга өрсөлдөөн хэрэглэгчийн төлөө газраас талх, гурилан бүтээгдэхүүн үйлдвэрлэж, худалдаалдаг байгууллагуудыг дуудан уулзалт хийлээ. Уулзалтаар талх, гурилын үнэ нэмэх шалтгаан байхгүй, нэмсэн газруудыг шалгана гэдгийг хэллээ.
ШӨХТГ-аас есдүгээр сарын 03-наас эхлэн зургаан дүүрэг дэх 30 худалдааны төв, гурилын үйлдвэрүүдэд хяналт шалгалт хийж буй ба есдүгээр сарын 05-ны өдрийн жижиглэнгийн үнийн судалгаагаар зарим нэр төрлийн гурилан бүтээгдэхүүний үнэ нэмэгдсэн байна.
Тэр дундаа "Алтан Тариа” ХХК-ийн гурил кг тутамд 30-330 төгрөгөөр, "Талх Чихэр” компанийн бүтээгдэхүүнүүд 60-330 төгрөгөөр тус тус нэмэгджээ.
ШӨХТГ-ын дарга Б.Бат-Эрдэнэ:
"Жижиг дэлгүүрүүд өөрсдөө үнэ нэмсэн асуудал гарсан. Үнэ нэмсэн газруудад хатуу арга хэмжээ авна. Тэдгээр компаниудад Гамшгаас хамгаалах тухай хуулийн дагуу Зөрчлийн тухай хуулиар байгууллагын 1000-20,000 нэгжтэй тэнцэх хэмжээний төгрөгөөр торгоно. Бид үнэ нэмэхийг зөвшөөрөхгүй. Учир нь үнэ нэмэх үндэслэл байхгүй” гэв.
ӨМНӨХ КОНТЕНТ
Бид талх, сүүн бүтээгдэхүүний тухай "СУРВАЛЖИЛГА: Талх, сүүний үнийг 200-400 төгрөгөөр нэмснийг иргэд анзаарахгүй байна” сурвалжлагыг хийж байв.
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Т�##�х чихрийн Зарим бүтээгдэхүүн нь 700 төгрөгөөр нэмэгдсэн байна лээ.арай л огцом нэмсэн санагдсан шүү!!!
Bitgii hudalaa heleed bai nemegdeegvi bna lee