Нийгмийн

М.Мөнхшүр: Малын хулгайн хэргээр хохирогчийг ангийн буугаар буудсан

Өнгөрөгч амралтын өдөр /2020.09.05/ Баян-Өлгий аймагт гаднын нөлөөтэй буюу бууны шархтай эрэгтэй хүний цогцос олдсон. Шалгалтаар талийгаач нь 32 настай Ж байсан бөгөөд сэжигтнээр 38 настай С гэгчийг саатуулсан байна. Улмаар сэжигтэн С нь мэдүүлэг өгөх явцад талийгчийг хувийн өш хонзонгийн улмаас санаатайгаар хөнөөсөн болохоо хүлээн зөвшөөрсөн аж. Сэжигтний гэмт хэрэг үйлдсэн ОХУ-д үйлдвэрлэсэн ТОЗ-8 маркийн галт зэвсгийг хураан авч, эрүүгийн хэрэг үүсгэн цагдан хорьжээ. Энэ тухай ЦЕГ-ын Хэвлэл мэдээллийн төвийн ахлах мэргэжилтэн, цагдаагийн ахмад М.Мөнхшүр хэвлэлд өгсөн тодруулгадаа:

“Энэ сарын 4-ний өдөр хүнийг алах гэмт хэрэг цагдаагийн байгууллагад хоёр бүртгэгдсэн байгаа. Орон нутагт буюу Баян-Өлгий болон Булган аймагт бүртгэгдсэн. Баян-Өлгий аймгийн Улаан хус суманд 32 настай Ж-ийн амь насыг 38 настай С нь ТОЗ-8 маркийн буугаар буудаж хохироосон болох нь тогтоогдсон. Амь хохирогч Ж нь Баян-Өлгий аймагт малын хулгайн хэргээр шалгагдаж байсан гэсэн нөхцөл байдал тогтоогдоод шалгалтын ажиллагаа үргэлжилж байна” гэв.

О.ЭНЭРЭЛ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button