Хувцаслалтын дүрэм зөрчсөн хэргээр цагдаад саатуулагдаад байхдаа амь насаа алдсан Махса Амин гэгч эмэгтэйн үхэл иранчуудын бухимдлыг төрүүлж, гудамжинд гарч ирэхэд хүргэжээ.
Нийслэл Тегеран хотод өчигдрөөс иргэдийн эсэргүүцлийн хөдөлгөөн эхэлсэн бөгөөд хэргийг мөрдөн шалгаж, буруутай этгээдүүдэд хариуцлага тооцохыг шаардаж байна. Жагсагчдын ихэнх нь их, дээд сургуулийн оюутнууд байгаа аж.
Гэрчүүдийн хэлснээр, эсэргүүцэгчид зүгээр нэг жагсаагүй, маш уур хилэнтэй байгаа бөгөөд Кешаварз гудамжинд тарахыг шаардсан цагдаа нар руу дайрч зугтаалгаад унаж явсан автомашиныг нь эвдсэн гэнэ.
Эрх баригчид нөхцөл байдлыг дордуулахгүйн тулд хүчний байгууллагуудыг зохион байгуулалтад оруулж, гудамжуудыг тусгаарлан, хотын төвд интернетийн сүлжээг унагажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.