МАН-аас 2024 оны УИХ-ын сонгуульд оролцох мөрийн хөтөлбөрөө ҮАГ-т хүргүүлээд буй. Үүндээ, 2028 он гэхэд нэг хүнд ноогдох ДНБ-ийг 10 мянган ам.долларт хүргэнэ гэж тусгажээ.
Энэ талаар УИХ дахь МАН-ын бүлгийн дарга Д.Тогтохсүрэн сэтгүүлчдэд мэдээлэл өглөө.
Тэрбээр “Бидэнд одоогоор нарийн заалтуудын тухай ярих эрх байхгүй. Аудитын байгууллагад өгсөн, дүгнэлт гарсны дараа нь тайлбарлах боломжтой. Мэдээж нэг хүнд ноогдох ДНБ-ийг 10 мянган ам.долларт хүргэх тооцоолол ирэх дөрвөн жилийн улс орны эдийн засаг, дэлхий нийтийн нөхцөл байдал ямар байхыг голчлон бодолцсоны үндсэн дээр гарсан. Боловсруулалтыг нь ЭЗХЯ хийсэн. Аудитын байгууллага баталсны дараа үндэслэлээ бүрэн тайлбарлах юм” гэлээ.
Мөн авлига, албан тушаалын гэмт хэрэгт яллагдагчаар татагдсан хүнд МАН мандат олгохгүй зарчим баримтлахаа хэллээ.
УИХ дахь МАН-ын бүлэг одоо хуралдаж байгаа юм. Хуралдаанаар гурван асуудал хэлэлцэж буй бөгөөд, дууссаны дараа сэтгүүлчдэд нэгдсэн мэдээлэл өгөх нь.
Ташрамд, 2023 оны байдлаар манай улсын нэг хүнд ноогдох ДНБ 5875 ам.доллар байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
эд нар нээрээ ичихгүй юмаа. Яана даа яана 2028 онд 10,0мянган долларт хүргэнэ гэнээ,ээ бүү үзэгд гэж, одоо нэг хүнд ноогдох ДНБ 5875 ам.доллар гэнээ,эд нарын өөрсдийнх нь орлого ингэж өссөн байх
МАН бүтэхгүй ээ - битгий хараа , бүү бачимд , зүгээр л БҮҮ ДУГУЙЛ ...