Хуваарь ёсоор долоо хоног бүрийн лхагва гарагийн 08.00 цагт Засгийн газрын ээлжит хуралдаан болдог билээ. Өнөөдөр 10.00 цагт хуралдахаар товлоод байна.
Хуралдаанаар цаг үеийн асуудал хэлэлцэх аж.
- “Аж ахуйн нэгжийн тооллого явуулах тухай” Засгийн газрын тогтоолын төсөл,
- Тогтоолын хавсралтад өөрчлөлт оруулах тухай” Засгийн газрын тогтоолын төсөл /“Монгол Улсын иргэнд 2025 онд өмчлүүлэх газрын нийт хэмжээ, байршил, зориулалтыг тогтоох тухай”, Засгийн газрын 2025 оны 119 дүгээр тогтоолын хавсралт
- “Улсын хэмжээнд 2025 онд эзэмшүүлэх, ашиглуулах газрын байршил, хэмжээ, зориулалтын жагсаалт батлах тухай” Засгийн газрын тогтоолын төсөл,
- Улсын Их Хурлын гишүүн П.Сайнзоригийн санаачлан боловсруулсан Харьяатын тухай хуульд нэмэлт оруулах тухай хуулийн төсөлд Засгийн газраас өгөх санал, дүгнэлт,
- Төрийн захиргааны төв байгууллага болон аймаг, нийслэлийн Засаг даргын Тамгын газрын 2024 оны үйл ажиллагаанд хийсэн хяналт-шинжилгээ, үнэлгээний талаар,
- Монгол Улсын Засгийн газрын гадаад зээл, тусламжийн хөрөнгөөр 2024 онд хэрэгжүүлсэн төсөл, арга хэмжээнд хийсэн хяналт-шинжилгээ, үнэлгээний талаар,
гэх зэрэг 32 асуудал хэлэлцэх товложээ.
Ерөнхий сайд Л.Оюун-Эрдэнэ МАН-ын Бага хурлын шийдвэрээ албан ёсоор танхимын сайд нартаа танилцуулна. Мөн "хамтарсан Засгийн газарт итгэл үзүүлэх эсэх" тогтоолын төслөө хэлэлцүүлэх чигтэй байна. Хэрэв Засгийн газраар дэмжигдвэл тогтоолын төслөө УИХ-д өргөн барих үйл явц өрнөх юм.
Чингэвэл тогтоолын төслийг маргааш /2025.05.29/ намын бүлэг, байнгын хороогоор баасан гарагт УИХ-ын чуулганаар хэлэлцэх бололтой. Ерөнхий сайд Л.Оюун-Эрдэнийн хувьд илээр санал хураалгах сонирхолтой байгаагаа илэрхийлсэн гэх мэдээлэл байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.