Бүрэн бус, ачаа хэтрүүлсэн том оврын машин осол гаргаснаар 1 хүний амь хохирч, 8 иргэн гэмтжээ
Цагдаагийн байгууллагад өчигдөр буюу энэ сарын 27-ны 00:05 цагийн үед Баянхошууны тойргийн ойролцоо олон машин мөргөлдөж, хүн машинд даруулсан тухай дуудлага цагдаагийн байгууллагад ирсэн байна.
Улмаар осол гарсан газар цагдаагийн байгууллагынхныг очиж шалгахад, “Хьюндай маркийн автомашины жолооч нь таван автомашин мөргөсний улмаас "Тоёота приус" маркийн автомашины жолоочийн амь хохирч, нийт найман хүн гэмтсэн байжээ. Осол гаргасан том оврын автомашин нь ачаа хэтрүүлсэн, бүрэн бус тээврийн хэрэгсэл байжээ. Одоогоор тус хэргийг Тээврийн цагдаагийн албаны Мөрдөн шалгах хэлтэс шалгалтын ажиллагааг явуулж байгаа юм байна.
Иймд, Жолооч та бүхэн замын хөдөлгөөнд оролцох үедээ тээврийн хэрэгслийн бүрэн бүтэн байдлыг хангаж, анхаарал болгоомжтой байж, тээврийн хэрэгслийн хурдыг тогтоосон хэмжээнээс хэтрүүлэхгүй байх мөн суудлын бүсээ тогтмол зүүж өөрийн болон бусдын аюулгүй байдлыг ханган замын хөдөлгөөнд оролцохыг цагдаагийн байгууллагаас анхааруулж байна.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.