ЭМЯ-наас өнөөдрийн ээлжит мэдээллээ хийсэн. Энэ үеэр ХӨСҮТ-ийн захирал Д.Нямхүү Интермед эмнэлэгт хэвтэн эмчлүүлж байсан иргэний хариу ЭЕРЭГ гарсан талаар мэдээлэв.
ХӨСҮТ-ийн захирал Д.Нямхүү: Өчигдөр 341 хүний шинжилгээ хийсэн. 11 хүний шинжилгээнээс коронавирус илрээгүй. Мөн ХӨСҮТ-д тусгаарлагдсан 13 хүний шинжилгээ сөрөг гарсан. Эдгээр 341 хүний хариу бүгд сөрөг гарсан. Харин өнөөдөр /2020.04.21/ үүрээр 05.00 цагт Интермед эмнэлэгт хэвтэж байгаа 69 настай иргэнд тус эмнэлгийнхэн түргэвчилсэн шинжилгээ хийхэд ЭЕРЭГ гарсан байна. Уушгины хатгаа гэсэн хүнд оноштойгоор хэвтэн эмчлүүлж байсан. Тус иргэний хүүхэд нэгдүгээр сард БНСУ-аас ирсэн. Ирээд хоёр сар болоход ямар нэгэн вирус илрээгүй учир гайгүй байх гэж бодож байна. 69 настай иргэний давтан шинжилгээг ХӨСҮТ-д хийж байгаа. Үдээс хойш хариу гарна” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.