ЭМЯ-наас өнөөдрийн /2020.04.21/ 11.00 цагийн ээлжит мэдээллээ үеэр ХӨСҮТ-ийн захирал Д.Нямхүү Интермед эмнэлэгт хэвтэн эмчлүүлж байсан иргэний хариу ЭЕРЭГ гарсан талаар мэдээлсэн.
Тодруулбал, ХӨСҮТ-ийн захирал Д.Нямхүү хэлэхдээ, “өнөөдөр /2020.04.21/ үүрээр 05.00 цагт Интермед эмнэлэгт хэвтэж байгаа 69 настай иргэнд тус эмнэлгийнхэн түргэвчилсэн шинжилгээ хийхэд ЭЕРЭГ гарсан байна. Уушгины хатгаа гэсэн хүнд оноштойгоор хэвтэн эмчлүүлж байсан. Тус иргэний хүүхэд нэгдүгээр сард БНСУ-аас ирсэн. Ирээд хоёр сар болоход ямар нэгэн вирус илрээгүй учир гайгүй байх гэж бодож байна. 69 настай иргэний давтан шинжилгээг ХӨСҮТ-д хийж байгаа. Үдээс хойш хариу гарна” хэмээсэн.
Тэгвэл нарийвчилсан буюу PCR-ийн шинжилгээний хариу СӨРӨГ буюу вирус ИЛРЭЭГҮЙ гэдгийг Эрүүл мэндийн яам мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.