СПОРТ

“Белград 2022”: Н.Наранхүү мөнгө, З.Занабазар хүрэл медалийн төлөө барилдана

Сербийн нийслэл Белград хотноо болж буй бөхийн төрлүүдийн энэ оны насанд хүрэгчдийн Дэлхийн аварга шалгаруулах тэмцээн төгсгөлийн шатандаа орлоо. Өнөөдөр тэмцээний сүүлийн гурван /61, 65, 97/ жингийн урьдчилсан барилдаанууд болж, хагас шигшээд барилдах бөхчүүд тодроод байна.

Мөн өчигдөр явагдсан 57, 74, 92 кг-ын жингийн медалийн төлөөр барилдаан өнөө шөнө болно. Энд манай тамирчин Занданбудын Занабазар 57 кг-д БНХАУ-ын бөх Ванхао Жоутай хүрэл медалийн төлөө барилдана.

МАНАЙ БӨХЧҮҮД ХЭРХЭН БАРИЛДАВ

61 кг: ОУХМ Нармандахын Наранхүү Молдавын Игор Чичиойг 11:0, Гүржийн Таймураз Ванишвилиг 10:2, Киргизстаны Улугбек Жолдошвековыг 13:5 оноогоор ялж шөвгийн дөрөвт үлдээд байна. Удахгүй Ираны бөх Реза Атритай мөнгөн медалийн төлөө барилдана.

65 кг: ОУХМ Цэвээнсүрэнгийн Цогбадрах Гвиней Биссаугийн Мбунде Мбалиг 7:0, Польшийн Кшиштоф Бенковскийг 3:0-ээр хожиж наймд үлдээд Пуэрто Рикогийн Себастьян Риверад 8:1-ээр хожигджээ. Энэ пуэрто рико бөх нь АНУ-д амьдардаг, Рутгерсын их сургуулийн бөх, NCAA-ийн “Их 10” /Big 10/тэмцээнд хоёр удаа түрүүлж байсан залуу аж. Энэ залуу АНУ-ын Жон Диакомихалисыг ялбал манай бөхөд дагах боломж гарна.

97 кг: ОУХМ Өлзийсайханы Батзул Унгарын Владислав Байцаевт 0:6 оноогоор хожигдож, нөгөөх нь дараагийн тойрогт Словакийн бөхөд хожигдсон тул тэмцээнийг орхив.

ДАГАХ БОЛОН МЕДАЛИЙН ТӨЛӨӨ БАРИЛДААН

74 кг: ОУХМ Олонбаярын Сүлдхүү Кайл Дэйкийг дагаж, Энэтхэгийн бөх Сагар Жаглантай барилдаад 3:7 оноогоор хожигдон тэмцээнээ дуусгалаа.

57 кг: ОУХМ Занданбудын Занабазар өчигдөр Канад, Туркийг хожиж, АНУ-ын бөх, ноднингийн дэлхийн аварга Томас Гилманд хожигдоод өнөөдөр дагах барилдаанд Австралийн бөхийг ялж, хүрэл медалийн төлөө барилдах болсон. Өрсөлдөгч нь БНХАУ-ын Ванхао Жоу юм.

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Батсайхан

Сэтгүүлч, орчуулагч мэргэжилтэй. Сэтгүүл зүйн салбарт 19 дахь жилдээ ажиллаж байна. МСНЭ-ийн "Ган үзэгтэн" шагналтай, "Хэвлэл мэдээллийн тэргүүний ажилтан", "Санхүү, банкны тэргүүний ажилтан" цол тэмдэгтэй.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-09-18 17:21

Дэвжээ цэвэрлэгээний бригад дэвжээгээ цэвэрлээд л, зарим нь бүр мед�##�ь энэ тэр яриад овоо байх чинь ээ

Холбоотой мэдээ

Back to top button