Японы баруун өмнөд эргийг нэрвэсэн “Нанмадол” далайн хар шуурганы хохирогчдын тоо 69 болж өсжээ. Энэхүү гамшгаас болж 9.5 сая хүнийг нүүлгэн шилжүүлэхэд бэлтгэж байгаа талаар NHK телевиз мэдээллээ. Нас барсан тохиолдлын ихэнх нь Кюшюү арал мөн Кюшюү арлын Сикоку, Ямагучи дүүрэгт бүртгэгджээ.
Миязаки мужид мөн нэг хүн тариалангийн талбайдаа машинтайгаа живж нас барсан аж. Тус мужид олон газар хөрсний нуралт болж, хүмүүс сураггүй алга болсонд тооцогдож байгаа тул амиа алдагсдын тоо цаашид нэмэгдэх магадлал өндөр байна.
Японы цаг уурчдын тооцоолсноор, хүчтэй шуурга мягмар гарагт Хонсю арлын хойд хэсгийг дайрч өнгөрөх төлөвтэй байгаа бөгөөд дундаж хурд нь 30 м/с байх гэнэ. Өчигдөр тус улсын эрх баригчид “Нанмадол” хар шуурга нь гамшгийн дөрөвдүгээр түвшнийх тул 2.5 сая хүнийг нүүлгэн шилжүүлнэ гэж мэдэгдсэн юм.
Кюшюү арлын Изуми, Нишиномотэ, Кагошима зэрэг хотуудад нийт 68 000 хүн оршин сууж буй байршилд харин аюулын тавдугаар түвшин зарлажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.