ДЭЛХИЙ

“ОХУ-д зэвсэг нийлүүлсэн” гэх мэдээллийг БНАСАУ үгүйсгэлээ

Барууны хэвлэлүүдээр сүүлийн 14 хоног “сэвэгдэж” буй “ОХУ БНАСАУ-аас зэвсэг авах гэж байна, энэ нь оросууд зэвсгээ дуусч байгаагийн шинж” гэх мэдээллийг Пеньян албан ёсоор үгүйсгэлээ. Тэд мэдэгдэлдээ “ОХУ-д зэвсэг зарж байгаагүй, цаашдаа ч зарах төлөвлөгөө байхгүй” гэж онцолжээ.

Энэ мэдээлэл анх энэ сарын эхээр “The New York Times” сонинд гарч, улмаар “Хэрвээ Пеньян ийм үйлдэл хийвэл НҮБ-ын хоригийг зөрчинө” гэх зэрэг агуулгаар баяжигдан ВВС тэргүүтэй бусад мэдээллийн байгууллагаар тараагдсан юм.

Энэхүү мэдээллийг Москва тухайн үед нь үгүйсгэж, АНУ-ын ҮАБЗ-ийн дарга Жон Кирби “Нийлүүлэлт бодитойгоор хийгдсэн гэх баримт, нийлүүлэгдсэн тохиолдолд Украины дайнд ашиглагдана гэх баталгаагүй” гэж мэдэгдсэн ч “сэвэлт” намжаагүй байв.

БНАСАУ мэдэгдэлдээ дээрх мэдээллийн цаана дайсагнагч хүчний “Улс төр, цэрэг дайны ашиг сонирхол байгаа” гэсэн байна. БНАСАУ ОХУ-ын Украинд явуулж буй цэргийн ажиллагааг албан ёсоор дэмжсэн бөгөөд хариуд нь Киев |Пеньянаас дипломат харилцаагаа цуцалсан юм.

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Батсайхан

Сэтгүүлч, орчуулагч мэргэжилтэй. Сэтгүүлзүйн салбарт 19 дахь жилдээ ажиллаж байна. МСНЭ-ийн "Ган үзэгтэн" шагналтай, "Хэвлэл мэдээллийн тэргүүний ажилтан", "Санхүү, банкны тэргүүний ажилтан" цол тэмдэгтэй

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-09-22 16:56

Путин чадлаа мэдэж л бусдын нутагт шунах хэрэгтэй.Үхэхдээ үхэр буугаа гэгчээр хамгийн дарангуйлагч Ким Чен У-г царайчилдаг б.на шд.Одоо зүгээр л олон хүний амиар тоглохоосоо өмнө олон улсын шүүхэд очиж ялаа уншуул.

Холбоотой мэдээ

Back to top button
1
0
Would love your thoughts, please comment.x
()
x