БНХАУ-ын “China Southern Airlines” компани өнгөрсөн долоо хоногийн лхагва гарагт /2023.11.08/ утасны аппликейшн дээр нь гарсан алдааны улмаас зарим нислэгийн тасалбараа 1.37 ам.доллароор худалдаалсан байна.
Өнгөрсөн лхагва гарагт Хятадын сошиал платформууд дээр Чэнду хотоос нисэх болон газардах онгоцнуудын тасалбар 10-аас 30 юаниар (4695-аас 14,085 төгрөг) зарагдаж байгаа талаарх зургууд нийтлэгджээ.
Цахим ертөнц дээр явсан нэг зургаас харвал Чэндугээс Бээжин орох нислэг 10 юаниар (4695 төгрөг) зарагдсан байна. Тус нислэгийн тасалбар 400-гээс 500 юанийн (187,800-гаас 234,750 төгрөг) үнэтэй зарагддаг юм.
Тэгвэл “China Southern Airlines” компани аппликейшны алдааны үеэр хямд үнэтэй худалдаалсан тасалбарыг хүчинтэйд тооцно гэж мэдэгдсэн байна.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.