АНУ-ын Лас-Вегас хотод үргэлжилж буй жюүжицүгийн ахмадын ДАШТ-д манай улсаас 15 тамирчин зодоглож байна. Тэмцээний М3 ангиллын бор бүсний +100 кг-д улсын аварга Г.Эрхэмбаяр хүрэл медаль хүртэв. Сэлэнгэ аймгийн Мандал сумын харьяат, улсын наадамд нэг түрүүлж (2013), нэг үзүүрлэн (2011), долоон удаа шөвгөрсөн тэрбээр дэлхийн дэвжээнээс гурав дахь медалиа хүртсэн нь энэ. ОБЕГ-ын “Аврагч” спорт хорооны тамирчин Г.Эрхэмбаяр аварга өмнө нь ДАШТ-д 2013, 2015 онд түрүүлж, хошой аварга болсон юм. ДАШТ энэ сарын 25-нд дуусаж, бусад жингийн аваргаа тодруулна.
Б.ДАЛАЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.