БНХАУ-д Олон улсын цанын холбооны оноо олгох тэмцээн болж, дасгалжуулагч С.Тэмүүлэнгийн удирдлага дор Альпийн цанын жиант слалом болон слалом төрөлд манай улсын дөрвөн тамирчин өрсөлдөж, залуучуудын өвлийн олимпын наадамд оролцох анхны эрхээ авчээ.
Тодруулбал, тэмцээний эрэгтэйчүүдийн ангилалд 107 цаначнаас М.Манлайжав 46-р байрт, О.Өсөх-Ирээдүй 47-р байрт орсон байна. Харин эмэгтэйчүүдийн ангилалд 76 цаначин уралдсанаас А.Итгэл 40-р байрт, Х.Халиун 41-р байрт оржээ.
Ингэснээр М.Манлайжав, А.Итгэл нар БНСУ-ын Ганвон хотноо 2024 оны нэгдүгээр сарын 19-нөөс хоёрдугаар сарын 1-нд болох залуучуудын өвлийн олимпын наадамд уралдахаар болсон байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.