Т.Рэнцэнбадам: Урд хилийн баганаас хойд багана руу тэмүүлж, гуравдугаар сараас хойш бэлтгэл хийсэн
Дорноговь аймгийн Замын-Үүд суманд байрлах Хилийн 0108 дугаар ангийн ахлах ахлагч, спортын мастер Т.Рэнцэнбадам өмнөд хилийн отрядаас умард хилийн отряд хүртэл буюу Сэлэнгэ аймаг хүртэл 1100 км-ын холын зайд гүйхээр наймдугаар сарын 01-ний өдөр замдаа гарсан.
Тэрбээр Хил хамгаалах байгууллагын 88 жилийн ойн баярын өдөр буюу есдүгээр сарын 17-ны өдөр бариандаа орохоор тооцсон байна. Бид түүнтэй холбогдож, тодруулга мэдээлэл авлаа.
-Холын зайнд гүйхээр гараад гурав хоножээ. Одоогийн байдлаар хэдэн км зам туулаад байна вэ?
-Одоогийн байдлаар 75 км зам туулаад байна. Өнөө оройн гүйлтээрээ 15 км зам туулна.
-Өдөрт хэдэн км зам туулахаар тооцоолоод гаргаад гүйж байгаа вэ?
-Өдөрт 30 км зам туулж байгаа. Өглөө, оройдоо замаа хувааж туулна. Өглөөний гүйлт 07:50 цагаас, оройны гүйлт 16:00 цагаас эхэлж байгаа.
-Биеийн байдалд тань ямар нэгэн өөрчлөлт гарсан уу?
-Одоогоор хэвийн байна. Хөлийн булчин шөрмөс татаж, зангирсан юм алга.
-Хэдэн хүний бүрэлдэхүүнтэй яваа вэ?
-Тогооч, жолооч, дасгалжуулагч гээд дөрвүүлээ хамт яваа. Эмчгүйгээр явж байгаа.
-Хол замд гүйж байгаа хүнд гутал чухал. Таны хувьд хэдэн ээлжийн гуталтай гарсан бэ?
-Тэгэлгүй яахав. Гурван ээлжийн гуталтай гарсан. Ээлжлээд өмсөнө дөө.
-Таныг гүйж эхэлсэн өдрөөс хойш цаг агаарын нөхцөл байдал ямар байна?
-Ер нь жаахан халуун салхитай. Говь нутаг шүү дээ. Тийм учраас өглөө, оройны сэрүүнд гүйж байна. Өдрийн халуунд нь сайхан амарч байгаа.
-Таны хувьд хэзээнээс бэлтгэлээ хангаж эхэлсэн бэ?
-Гуравдугаар сараас хойш бэлтгэл сургуулилт хийж эхэлсэн. Төлөвлөгөөт гүйлт маань зургадугаар сард хийгдэх байсан ч цар тахлын улмаас хойшлогдсон.
Есдүгээр сарын 17 бол хилчдийн баяр. Бидний баяр болох гэж буйг тохиолдуулаад, урд хилийн баганаасаа хойд хилийн багана руу очихоор тэмүүлж, замдаа гарсан.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Бүгдээрээ л гүйгээд байх юм.
3 honogt bi 75km aas iluu alhaj chadna
Гүйлээ гээд яг ямар хэрэгтэй юм бэ
Зүгээр л тэнэглэл.
урдаас нь �##�хаад очий
хамтдаа �##�хах уу
ОДОО БОЛИО, ГҮЙЖ ЯАХ ГЭЭД БАЙГАА ЮМ ЧИ? ЭРГҮҮ ЮМ