Д.Цэрэнтогтохын Б сорьцын хариу А-тайгаа таарчээ

Энэ жил улсын наадамд шөвгөрсөн бөхчүүдийн хоёроос нь допинг илэрсэн талаар Баяр наадмыг зохион байгуулах хорооноос мэдэгдсэн. Улмаар 2019 оны улсын наадмын түрүү бөх Э.Оюунболдоос допинг илэрснийг албан ёсоор зарласан билээ.

Тэгвэл нөгөө бөх нь Б сорьцоо шинжлүүлэх хүсэлт гаргасан. Түүний Б сорьцын хариу гарч, А сорьцтойгоо таарсныг албаныхан хэллээ.

Ингэснээр хориотой бодисын шинжилгээнд бүдэрсэн хоёр дахь бөх допинг хэрэглэснийг тогтоов.

Түүнийг улсын өсөх идэр начин Д.Цэрэнтогтох гэж баттай эх сурвалжууд хэлж байгаа юм.

Б.ГАНСҮЛД