БНХАУ-ын нутаг дэвсгэр дээгүүр өнгөрөх нислэгүүдийн 60 хувь нь цуцлагдсан талаар The Epoch Times агентаг өчигдөр мэдээлжээ. Ингэхдээ тус улсын төв хэвлэлийг эх сурвалж болгосон байна.
China.com-д мэдээлснээр, есдүгээр сарын 21-ний өдийн 22.23 цагийн орчимд 9,583 нислэг цуцлагджээ. Энэ талаар ямар нэг албан ёсны тайлбар байхгүй байгаа аж.
Харин Netease хэмээх БНХАУ-ын нэгэн хэвлэлд "Ковид-19" цар тахлын нөхцөл байдал нь гол шалтгаан гэж бичсэнийг The Epoch Times дурдсан байгаа юм.
Мөн БНХАУ-ын эрэн сурвалжлах сэтгүүлч Жао өөрийн Твиттер хуудастаа "Их хэмжээний энэ нислэг цуцлалт батлан хамгаалах чиглэлийн л учир шалтгаантай байж таарна. Агаарын орон зайг ийн чөлөөлсөн нь цэрэг, армийн бэлтгэл ажилтай холбоотой болов уу" гэж жиргэсэн байна.
Жао нь БНХАУ-ын Жиансу мужид хүн хулгайлах гэмт хэргийг эрэн сурвалжилж, ил болгосон сэтгүүлч бөгөөд цагдаа нарын хараанд өртсөн нэгэн тул АНУ-д долдугаар сараас хойш амьдарч байгаа юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.