ОХУ: Дайчилгаанд хамрагдагсдыг хилээр гарахыг хориглолоо
ОХУ-ын Холбооны аюулгүй байдлын албанаас дайчилгааны хүрээнд хамарч буй иргэдээ хилээр гарахыг нь хоригложээ. Meduza.io цахим хуудаст энэ талаар мэдээлэв. Мэдээллээ Курган, Саратовоор дамжин Казахстан руу гарах гэсэн хоёр тохиолдолд бичгээр татгалзсан хариу өгсөн гэрэл зургуудаар баталгаажуулжээ.
Хоёр бичигт хоёуланд нь Цэргийн комиссариатын шийдвэрээр хил нэвтрүүлэхээс татгалзсан гэдгийг тодорхой бичсэн байна.
Энэ сарын 21-нд, цэргийн дайчилгаа зарласан даруйд ОХУ-ын хил дээр дараалал үүсч, иргэд гадагшилж эхэлсэн байдаг. Үүний дараа “ОХУ-Гүрж, ОХУ-Казахстаны хил дээр дайчилгаанд хамрагдах хүмүүсийг хилээр гарахыг хориглож байна” гэсэн мэдээлэл гарсан ч батлагдаагүй байжээ.
Ерөнхийлөгчийн зарлиг гарсан өдрөөс /IX.21/ хойш л засаг захиргааны нэгж тус бүрийн Цэргийн комиссриатаас дайчилгаанд хамрагдах эрчүүдийг оршин суугаа хот, хаягаа орхиж явахыг хориглосон байсан. Харин 23-наас хойш цар хүрээг илүү томруулж, улсын хил давахыг хориглосон юм байна.
ДАЙЧИЛГААНД ХАМРАГДАХ, ХИЛ ГАРАХ БОЛОМЖГҮЙ ХҮМҮҮСИЙН ТОДОРХОЙЛОЛТ
В.Путины зарлигт заасан дараах хүмүүс хилийн хоригт орж байна. Үүнд:
- -Цэргийн алба хаасан, цэрэг дайны боловсрол тодорхой хэмжээнд эзэмшсэн цэргийн үүрэгтнүүд
- -Дотроо байлдагч, түрүүч бол 35 нас хүртэл, бага тушаалын офицерууд 50 хүртэлх нас, ахлах тушаалын офицерууд 55 хүртэлх насныхан
Ташрамд, хэвлэлүүд "Энэ удаагийн дайчилгаагаар сая хүртэлх тооны цэрэг татна" гэж бичиж буй ч Кремлиэс энэ мэдээллийг үгүйсгэж байгаа билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
зөв2
demjij bna
zuw zuw
тэр нь дээр ээ. Тэхгүй бол хил гарч хэрэг зөрчил хийгээд байна
Улс орон ту�####�а хил хязгаартай. Яс үндэс бас өөр асууд�##�. Иргэншил гэж бгаа шүү.