Иранд интернэт хаасан ч Илон Маск “Starlink”-ээ асаажээ
Иргэдийн бослого тэмцэлд тэвдэж буй Ираны эрх баригчид байдлыг намжаах найдлага өвөртлөн улс дотроо интернэт сүлжээгээ хаажээ. Гэвч тэрбумтан Илон Маск хиймэл дагуулын интернэт сүлжээний компани “Starlink”-ээ идэвхжүүлж, иранчуудыг боломжоор хангажээ. Цагаан ордны эх сурвалж энэ талаар мэдээллээ.
Илон Маск болон АНУ-ын Сангийн яам харилцан зөвшилцсөнөөр дээрх шийдвэр гарчээ. Энэ юу гэхээр, Иранд болж буй эсэргүүцлийн хөдөлгөөнийг дарагдуулахгүй, болж өгвөл эрх баригчдыг нь унагахын тулд АНУ Илон Маскт холбогдох зөвшөөрлийг олгож, төлбөрийг нь төлсөн гэсэн үг юм.
“Өнөөдөр бид Ираны ард түмэнд интернэт ашиглах боломж олгохын тулд “Starlink”-д хэрэгтэй байсан зөвшөөрлийг нь олголоо” гэж Төрийн нарийн бичгийн дарга Энтони Блинкен нь мэдэгдсэн байна.
Ираны асуудлаас болж Илон Маск хэрэгтэй байсан зөвшөөрлөө олж авсан бол АНУ шаардлагатай үед интернэтийг хэрэгтэй улсдаа асаах боломжтой болж байгаа бололтой.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
старлинк хэрэггүй гэдгийг тод жишээ