Египет улс 2036 оны олимпын наадмыг зохион байгуулах эрхийн төлөө нэрээ дэвшүүлж магадгүй болжээ. Тус улсын ҮОХ-ноос санаачилсан уг ажлыг Ерөнхийлөгч Абдельфаттах Халил Ас Сиси нь дэмжсэн байна. ОУОХ-ны ерөнхийлөгч Томас Бахыг Каир хотноо айлчлах үеэр энэ үйл явдал болжээ.
Египет улс нэрээ дэвшүүлбэл олимпын наадам зохион байгуулах өндөр магадлалтай улсын тоонд шууд орж ирэх нөхцөл бүрдээд байна. ОУОХ олимпын наадмыг таван тивд ээлжлэн зохион байгуулах бодлого барина гэж зарласан ч хэрэгжүүлж чадахгүй яваа.
2008 оноос хойш тооцвол Ази /Бээжин 2008/, Европ /Лондон 2012/, Өмнөд Америк /Рио 2016/, Ази /Токио 2020/, Европ /Парис 2024/, Хойд Америк /Лос Анжелес 2028/, Австрали /Брисбэн 2032/ гэсэн дарааллаар эрх олгогдож, одоо Африк тив л зохиох дутуу үлдээд байгаа юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.