Ээлжит бус сонгууль явуулахыг шаардах британичуудын тоо 370 000-д хүрчээ
“Ерөнхий сайд Лиз Трасс ээлжит бус сонгуулийг яаралтай зарлаж, одоо үүсээд буй улс төр, эдийн засгийн асуудлуудыг нэгмөр шийдэх ёстой” гэж үзэх британичуудын тоо өдөр ирэх тусам нэмэгдэж байна. Яг ийм шаардлагад гарын үсэг зурж нэгдсэн иргэдийн тоо өчигдрийн байдлаар 370 мянгаас давсан талаар “The Independent” мэдээллээ.
“The Independent”-ийн мэдээлэлд нэг анхаарал татахуйц баримт байгаа нь хамгийн сүүлд явуулсан санал асуулгаар сөрөг хүчин Лейборист намын нэр хүнд эрх баригч Консерваитв намынхаас 33 хувиар давж гарчээ.
Парламент дахь намуудын нэр хүндийн зөрүү сүүлийн 20 жилд ийм өндөр гарч байгаагүй аж.
Лейборист намын дарга Кир Стармер ч Ерөнхий сайд Лиз Трассыг сүүлийн үед байнга шүүмжилж, түүнийг байдлыг хяналтаасаа алдсан, “Улс орны эдийн засгийг аюулд оруулагч” хэмээн нэрлэж байгаа юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.