NBC: “Иэн” шуурганы хохирогчдын тоо 98-д хүрчээ
АНУ-ын Зүүн эргийн Флорида, Хойд Каролина мужуудыг нэрвэсэн Иэн шуурганы улмаас амиа алдагчдын тоо 98-д хүрчээ. NBC телевиз энэ талаар мэдээллээ.
Флорида мужид хамгийн олон буюу 94 хүн амиа алджээ. Хурд хүч нь арай саарч очсон Хойд Каролина мужид дөрвөн хүн нас барсан байна.
“Иэн” хар шуурга өнгөрсөн сарын 27-нд Кубыг нэрвээд АНУ-ын зүүн эргийг зүглэсэн бөгөөд 28-ны лхагва гарагт дөрөвдүгээр шатлалын хүчтэйгээр /таван шатлалт хэмжүүрээр тооцоход/ Флоридагийн эргийг цохисон юм.
Пүрэв гарагт хүч нь бага зэрэг намжсан ч дараа нь 33 м/с хүртэл ширүүсэж, улмаар 2 сая гаруй хэрэглэгчийг цахилгаан хангамжгүй болгосон бөгөөд одоо ч 556 000 хэрэглэгч эх үүсвэрт холбогдоогүй хэвээр байгаа аж.
Флорида мужийн амбан захирагч Рон ДеСантисын хэлснээр, шуурганы учруулсан хохирлыг бүрэн арилгахад жил гаруйн хугацаа шаардагдах гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.