ДЭЛХИЙ
АНУ ирэх сараас газрын тосны стратегийн нөөцөө ашиглана
АНУ ирэх сараас газрын тосны стартегийн нөөцөөсөө 10 сая баррелийг гаргахаар болжээ. ОПЕК ирэх сараас өдөрт олборлох хэмжээгээ хоёр сая баррелиар хорогдуулах болсонтой холбоотойгоор ингэж шийдсэн байна.
ОПЕК олборлолтоо хумьснаар зах зээл дээр газрын тосны үнэ өснө. Энэ өсөлтөөс АНУ илүү хохирох болчихоод буй тул ийнхүү стратегийн нөөцдөө гар дүрэх болжээ.
Ерөнхийлөгч Жо Байден ОПЕК-ийн шийдвэрийг мэдээд “Богино ухаантай үйлдэл” гэж нэрлэсэн төдийгүй цаашдаа ОПЕК-ийн газрын тосны бүтээгдэхүүний үнэд үзүүлэх нөлөөлийг багасгах талаар хүчин чармайлт гаргана хэмээн мэдэгдсэн юм.
Төрийн нарийн бичгийн дарга Энтони Блинкен мөн сэтгэл дундуур байгаагаа илэрхийлж, “Газрын тосны нийлүүлэлт эрэлтэд үндэслэх ёстой” гэжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.