“Дэлхийн хамгийн алдартай далайн хөлөг болох “Титаник”-ийг ойроос харах нь мөрөөдөл байхаа болино” гэж ВВС мэдээлжээ.
Тус агентлаг саяхан далайн гүн дэх “Титаник” хөлгийн үлдэгдэл рүү туршилтын шумбалт хийсэн талаар баримтат кино бүтээж олон нийтэд цацсан юм байна. Уг туршилтыг хийсэн шумбагчдын багийн гишүүн Стоктон Раш “Хүн төрөлхтөн сансар огторгуй руу тэмүүлж, “Сансрын аялал жуулчлал” гэх шинэ салбарыг бий болголоо. Далайн гүний хувьд ч яг ийм үйл явдал болно гэж бодож байна” хэмээн өгүүлжээ.
Стоктон Рашийн “OceanGate” компани нь Элон Маск, Ричард Брэнсон, Жефф Безос зэрэг шинийг санаачлагчид сансрын аялал хийх гэж оролдож байгаа шиг далайн гүнд аялал жуулчлал хөгжүүлэхийг зорьж байгаа ажээ. Энэ зорилгоо хэрэгжүүлэхэд хамгийн тохиромжтой газар нь “Титаник” гэж үзсэн учир тэндээс туршилтаа эхлүүлж байгаа аж.
“Англи хэдэнд алдартай гурван үг байдаг. Кока кола, бурхан, Титаник” гэж тэр эр хэлсэн бөгөөд далайн гүний аялал жуулчлалын хамгийн эрэлттэй брэнд байна гэдэгт эргэлзэхгүй байгаа ажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.