Узбекистаны нийслэл Ташкент хотноо болж буй жүдо бөхийн насанд хүрэгчдийн дэлхийн аварга шалгаруулах тэмцээний эрэгтэй 81, эмэгтэй 63 кг-ын жингийн тэмцээн өнөөдөр болно. Дээрх жингүүдэд манай улсаас Батзаяагийн Эрдэнэбаяр, Болдын Ганхайч нар барилдах юм.
МАНАЙ БӨХЧҮҮДИЙН ОНООЛТ
Батзаяагийн Эрдэнэбаяр В хэсэгт орсон. Тэрбээр эхний даваанд Италийн Антонио Эспозитотой барилдана. Ялбал БНСУ-ын Ли Жон Хван, Израилийн бөх дэлхийн аварга Саги Муки нарын нэгтэй барилдах төлөв байна. Дэлхийн аварга, олимпын мөнгөн медальт Сайид Моллаей мөн энэ хэсэгт барилдаж байна.
ОУХМ Болдын Ганхайч А хэсэгт эхний даваанд Израилийн бөх Керем Примотой барилдана. Ялбал Испанийн Кристина Кабана Перез, Британийн Люси Реншал хоёрын аль нэгтай барилдахаар байна. Түүний хэсэгт Японы Мегуми Хорикава багтжээ.
ДАШТ-ийг гурван өдгрийн дараах байдлаар 4 алт, 3 мөнгөн медальтай Япон тэргүүлж, манай улс алт, мөнгө, хүрэл тус бүр нэгийг хүртсэн амжилтаар удаалж явна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.