Холливудын жүжигчин Том Крузын шинэ киноны зураг авалт задгай сансарт явагдана гэж “New York Post” мэдээллээ. Зураг авалтад оролцохын тулд Том Круз сансарт нисэж, мөн задгай сансарт гарах нь мэдээж. Тэрээр энэ жил 60 настай билээ.
“New York Post” дээрх мэдээллийг “Universal Filmed Entertainment”-ын төлөөлөгч Донна Лэнглигээс авчээ. Одоогоор нэр ус өгөөгүй байгаа шинэ киноны зураг авалтын ихэнх хэсэг нь дэлхий дээр явагдах ч үлдсэн хэсгийг дэлхийн тойрог замд авна. Том Круз үүний тулд Олон улсын сансрын станцад очиж, тэр бүү хэлд задгай сансарт гарахаар төлөвлөж байгаа юм байна. Ингэснээр тэрбээр задгай сансарт зураг авалтад орсон анхны жүжигчин болж түүхэнд үлдэх гэнэ.
ОХУ-ын уран бүтээлчид энэ онд нэр бүхий киноны зураг авалтыг сансарт авч, анхны шанг татсан. Том Круз болон “Universal Filmed Entertainment” энэ удаагийн таслаа олон жилийн өмнө бичигдсэн ч биелүүлэх боломжгүй яваад байсан гэж тайлбарлаж байгаа ч үнэн хэрэгтээ ОХУ-ын уран бүтээлчдийг ямар нэг байдлаар давах гэсэн зөөлөн хүчний бодлого гэж харах хүн цөөнгүй байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.