Британийн алдарт “Битлз” хамтлагийн гишүүн Ринго Старрын "Ковид-19" шинжилгээ эерэг гарсан тул аялан тоглолтоо цуцалжээ. Эерэг гарсан байсан шинжилгээний хариу гурав хоногийн өмнө /даваа гарагт/ сөрөг гарсан тул тоглолтоо үргэлжлүүлэхээр шулуудаад байсан аж.
Энэ удаа харин тэрбээр тоглолтоо нэг мөсөн цуцалсан байна. “Та нар маш их гайхна гэдгийг би мэдэж байна. Шинжилгээний маань хариу дахиад л эерэг гарчихлаа. Тоглолтын маань үлдсэн хэсэг цуцлагдаж байна” хэмээн бичжээ.
Ринго Старр энэ жил 82 настай ч аялан тоглолтоо хийсээр байгаа юм. Тэрбээр 2020 оноос Канад, АНУ-аар аялан тоглохоор төлөвлөсөн ч цар тахлын улмаар хоёр жилээр хойшилж, өнгөрсөн есдүгээр сарын 23-нд АНУ-ын Брижпортоос эхэлсэн юм. Улмаар энэ сарын 20-нд Мексикийн Мехикод тоглосноор өндөрлөх байв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.