Хойд Солонгос дахин пуужин харвабал Япон улс эрсдэлтэй бүсийн иргэдээ нүүлгэн шилжүүлж магадгүй
Солонгосын хойгт нөхцөл байдал хурцдаж, сүүлийн хоёрхон хоногт харилцан зургаан пуужин харилцан харваад байна. Эдгээрээс хамгийн сүүлийнхийг нь өнөө өглөө БНАСАУ харвасан бөгөөд Япон улс маш ноцтойгоор хүлээн авч, иргэддээ онц үед мөрдөх дүрэм журмын талаар зөвлөгөө өгч, гэр гэртээ байхыг сануулсан байна.
Ерөнхий сайд Фумио Кишида “Пеньяны харвасан пуужин тив хооронд тусах чадвартай байсан байж болзошгүй” гэж мэдэгдсэн бол Пеньян богино зайн тусгалтай пуужин туршсан гэжээ.
Солонгосын хойгт байдал ийнхүү хурцдахын хэрээр Япон улсын хариу арга хэмжээ чангарч байна. Энэ нь сарын өмнө БНАСАУ анх удаа Японы арлуудыг давуулж пуужин харвасантай холбоотой юм. Өмнө нь Хойд Солонгос пуужин харвах үед чиглэлийн дагуу түгшүүрийн дохио дуугарч, анхааруулга өгдөг байсан бол одоо газар нутгийн хаана нь ч тусах боломжтой гэдэг агуулга руу шилжиж, түгшүүрийн дохио, сэрэмж анхааруулгын хамрах хүрээ өргөжжээ.
Тэр бүү хэл тус улс арал, эрэг орчмын бүс нутгаас иргэдээ нүүлгэн шилжүүлж магадгүй гэсэн мэдээлэл олон нийтийн сүлжээнд гарчээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.