Шуурхай: Истанбулын дэлбэрэлтийн талаарх анхны таамаг гарчээ
Туркийн Истанбул хотын аялал жуулчлалын бүсэд орших Бейоглу дүүргийн Истикляль гудамжинд өнөөдөр орон нутгийн цагаар 16.20 цагт /Улаанбаатарын цагаар 21.20/дэлбэрэлт болж олон хүний амь хохирсон хнарамсалтай хэрэг гараад байна. Амиа алдагсдын тоог хэвлэлүүд эхлээд дөрөв гэж мэдээлсэн ч сүүлдээ өсөж, саяхнаас 11 гэж мэдээлж эхлэв. Шархтсан 40 гаруй хүний дотор хүнд хүн олон байгаа тул нас барагсдын тоо нэмэгдэх магадлалтай гэнэ. Цагдаа, эмнэлгийнхэн дэлбэрэлт болсон даруйд газар дээр нь шуурхай ажиллаж, хэргийн газрыг тусгаарлан, хохирогчдыг эмнэлэгт хүргэжээ.
Шалтгаан тодорхойгүй ч амиа золиослогч бөмбөг дэлбэлсэн, халдлага гэж үзэж байгаа юм байна. Дэлбэрэлт жуулчдын гудамжинд болсон тул олон улсын зүгээс иргэдээ өртсөн байх вий хэмээн тодруулж ажиллаж байгаа ажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.