Туркийн Истанбул хотод өчигдөр зургаан хүний амь нас үрэгдэн, 81 хүн шархдуулсан халдлага болсон билээ. Энэхүү халдлагад амиа золиослогч оролцсон гэсэн таамаг гараад байсан бол Туркийн Дэд Ерөнхийлөгч Фуат Октай өнгөрсөн шөнө хийсэн мэдэгдэлдээ амиа золиослогч эмэгтэй хүн байсан гэж мэдэгдлээ.
“Халдлага үйлдсэн этгээд эмэгтэй хүн байсан. Халдлагын улмаас зургаан хүн нас барсан. Шархтсан хүний тоо нэмэгдсээр 81-д хүрсэн бөгөөд хоёрынх нь биеийн байдал маш хүнд байна” гэж тэрбээр мэдэгдээд “Энэхүү халдлагыг зохион байгуулсан этгээдүүд Туркт ч бай, дэлхийн аль нэг хязгаарт ч ялгаагүй хайж олоон зохих хариуцлагыг нь хүлээлгэнэ” гэж онцолжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.