“Рио Тинто” жижиг хувьцаа эзэмшигчдэд санал болгосон үнийн дүнгээ нэмлээ
“Рио Тинто” компани нь “Туркойс Хилл Ресурс” компанийн 51 хувийг эзэмшдэг бөгөөд 100 хувь эзэмших зорилгоор үлдсэн 49 хувийг эзэмшдэг жижиг хувьцаа эзэмшигчдэд нэгж хувьцаа бүрт 33.4 канад доллар санал болгосон билээ.
Жижиг хувьцаа эзэмшигчдээс “Pentwater Capital Management” болон “SailingStone Capital Partners” компаниуд энэ саналыг эрс эсэргүүцэж, улмаар хувьцаа эзэмшигчдийн хуралд санал өгөх эрхээ эдлэхгүй, үлдсэн хувьцаа эзэмшигчид саналыг хүлээж авсан тохиолдолд маргаанаа арбитраар шийдэхээр тохироод байсан юм.
Тэгвэл “Рио Тинто” жижиг хувьцаа эзэмшигчдийн шаардлагад буулт хийж, нэгж хувьцаа бүрт санал болгосон 34.4 канад долларын саналаа 43 канад доллар болгон нэмэгдүүлж, “Pentwater Capital Management” болон “SailingStone Capital Partners”-тай хүрсэн тохироогоо цуцалжээ. Ингэснээр “Рио Тинто” жижиг хувьцаа эзэмшигчдийн хэлэлцээр анх санал болгосноос 67 хувиар нэмэгдүүлсэн дүнтэйгээр дахин эхлэхээр болж байгаа юм.
“Рио Тинто” сүүлд гаргасан албан мэдээлэлдээ энэ талаар дурдаад “Нэгж хувьцаа бүрт 43 канад долларын санал эцсийнх, дахиж нэмэгдүүлэхгүй” гэдгээ онцолжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.