Бразилийн Пернамбуку мужийн тугийг барьж явсан сэтгүүлч рүү нутгийнхны уламжлалт хувцастай нэгэн эр дайрч, давшилсан талаар спортс.ру мэдээллээ. Сэтгүүлч Виктор Перейра өчигдөр Аргентин-Саудын Арабын тоглолт болсон “Лусаил” цэнгэлдэх хүрээлэнгээс гарч явахад нь үндэсний хувцастай катар эр дайрч, барьж явсан тугийг нь булааж аван газар хаяад дэвсэлсэн аж.
Виктор нутгийнхаа Пернамбуку мужийн далбааг барьж явсан бөгөөд түүн дээр солонго, нар, улаан загалмай дүрслэгдсэн байдгийг нутгийн эр ЛГБТ чиг хандлагын бэлгэ тэмдэг гэж ойлгосноос ийм явдал болжээ.
Сүүлд учрыг ойлгосон катар эр Виктор Перейрагаас бичлэг хийж байсан гар утсыг нь мөн булаан авч, бичлэгийг устгасан цагт нь буцааж өгнө гэж нөхцөл тавьжээ. Тэдний хооронд үүссэн асуудлыг цагдаа ирж байж зохицуулсан гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.