Италийн Иския арлын Казамиччола хотод өнгөрсөн бямба гарагт болсон хөрсний нуралтын улмаас амиа алдсан хүний тоо нэмэгдсээр долоод хүрчээ. Нуранги, хөрс шороонд дарагдсан долоон цогцсын тавыг нь гаргаж авсан бөгөөд таниулах ажлыг хийж байгаа аж.
Амиа алдагсдын дотор 21 хоногтой нярай, 5-6 настай эмэгтэй хүүхэд байгаа аж. Одоогийн байдлаар найман хүн сураггүй алга болсонд тооцогдож байгаа тул амиа алдагсдын тоо өсөх магадлал өндөр байна.
Аврах эрэн хайх ажиллагаа үргэлжилсээр байгаа бөгөөд 230 хүнийг аюулгүй газарт нүүлгэн шилжүүлжээ. Мөн гэрийнхээ нурангид дарагдаад байсан нэг гэр бүлийн гурван хүнийг эсэн мэнд аварсан байна. Тэдний дотор тэргэнцэртэй 90 настай эмэгтэй байжээ. Аврах, эрэн хайх ажиллагаа үргэлжилж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.