Европын зөвлөл ОХУ-ын газрын тосны үнэд дээд хязгаар тогтоох асуудлаар шийдэлд хүрээгүй байна

Х. Батсайхан2022-12-01

0 1 минут уншина

France's President Emmanuel Macron (C) discusses with Italy's Prime Minister Mario Draghi (R) and President of the European Council Charles Michel (L) prior to the special meeting of the European Council at The European Council Building in Brussels on May 30, 2022. (Photo by Emmanuel DUNAND / AFP) (Photo by EMMANUEL DUNAND/AFP via Getty Images)

Европын зөвлөл ОХУ-аас авах газрын тосны үнэд дээд хязгаар тогтоох асуудлыг хэлэлцэж байна. АНУ, Европын холбооны санаачилгаар явагдаж буй энэ ажил “Их долоо”, “Их 20”-ийн түвшинд ойлголдцолд хүрсэн ч яг хэд байх вэ гэдэг дээр эцсийн шийдвэр гараагүй байгаа. Одоо Брюссельд болж байгаа Европын зөвлөлийн хуралдаан мөн эцсийн шийдвэрт хүрээгүй байгаа ч 62 ам.доллар орчим байж болох юм гэсэн тоо хэвлэлээр явж буй.

ТАЛУУДЫН БАЙР СУУРЬ ЭРС ТЭС БАЙНА

Талууд нэгдсэн байр суурьт хүрч чадахгүй байгаагийн шалтгааныг хэвлэлүүд Барууны орнууд дотроо зөрчилтэй байгаатай холбож тайлбарлаж байсан. Брюссельд болж буй Европын зөвлөлийн хурлаас харахад энэ мэдээлэл үнэн болох нь харагдаж байгаа юм.

Газрын тосны тээврээр Европ төдийгүй дэлхийд тэргүүлдэг Грек улс ложистикийн бизнесээс олох орлогоо багасгахгүйн тулд ОХУ-аас гарч байгаа газрын тосны урсгалыг багасгах сонирхолгүй байна. Харин ОХУ-тай хаяа дэрлэж орших, өөрөөр хэлбэл аюул заналд нь хамгийн эхэнд өртөх нь зайлшгүй буй Балтийн тэнгис орчмын орнууд, Польш ОХУ-ын орлогыг нь огцом хасахын тулд 30 ам.доллараас хэтрүүлэхгүй байхыг шаардаж байгаа юм.

Энэ мэдээнд өгөх таны үнэлгээ