Өнөөдөр ДАШТ-ийг анх удаа эмэгтэй шүүгч шүүнэ
Олон улсын хөлбөмбөгийн холбоо өнөөдөр болох Герман-Коста Рикагийн багийн тоглолтын ерөнхий шүүгчээр Францын Стефани Фраппарыг томилжээ. Ингэснээр тэрбээр ДАШТ-ий тоглолт шүүсэн анхны эмэгтэй шүүгч болж түүхэнд бичигдэх болов.
С.Фраппар нь энэ жил 38 настай, 2019 онд ЕХХ-ны “Супер цом”-ын тэмцээний “Челси”-“Ливерпүүл”-ийн тоглолтыг шүүсэн туршлагатай. Хөлбөмбөгийн олон улсын түүх, статистикийн холбоо (IFFHS) түүнийг бүх цаг үеийн түүхэн дэх хамгийн шилдэг эмэгтэй шүүгчээр нэрлэж байсан юм.
Эмэгтэй хүн анх удаа ДАШТ-ий шигшээ тэмцээний тоглолтыг шүүсэн түүхэн тохиолдол “Катар 2022”-ын зүлэг ногоон талбайд болно гэдгийг бид өмнө нь мэдээлж байсан. ОУХХ-ны хатуу чанд шалгалтыг даван туулж түүхэнд бичигдэх боломжоо авсан эдгээр бүсгүйчүүд бол Францын Стефани Фраппар, Руандагийн Салима Мукансанга, Японы Ёшими Ямашита нар юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.