АНУ хоёр жилийн дараа үйлдвэрээс гарах пуужинг Украинд өгөхөөр захиалжээ
АНУ-ын эрх баригчид пуужингаас эсэргүүцэн хамгаалах систем NASAMS худалдаж авах 1.2 тэрбум ам.долларын гэрээг “Raytheon Missiles and Defense” компанитай байгуулжээ.
Вашингтон уг системийг худалдаж авсныхаа дараа Украинд тусламжаар өгөх гэж буй. Ажиглагчид АНУ-ын энэ үйлдлийг барууны орнууд Украины дайныг цаашид удаан хугацаанд үргэлжлүүлэхээр тооцсоны нэг баталгаа гэж үзэж байна. Учир нь, нэг зөөгч пуужингийн систем үйлдвэрлэхэд дунджаар хоёр жил шаардагддаг аж. Гэхдээ АНУ-ын БХЯ энэ хугацааг богиносгохоор ярилцаж байгаа ажээ.
Үүнээс өмнө Пентагоны хэвлэлийн төлөөлөгч Патрик Райдер NASAMS-ыг Украинд нийлүүлэхэд хоёр жил шаардлагатай гэж хэлж байсан. Түүний мэдэгдлийг ОХУ-ын хэвлэлийн төлөөлөгч Дмитрий Песков Вашингтон энэ мэтчилэн “эчнээгээр” урт хугацааны төлөвлөгөө зохиож буй нь Украин-ОХУ-ын энхийн хэлэлцээр сөргөөр нөлөөлж байна хэмээн шүүмжилжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.