Тибо Куртуа: Бид “Алтан үеийнхэн” биш ээ
Бельгийн шигшээ Хорваттай тэнцэж, ДАШТ-ээс хасагдсаны дараа хаалгач Тибо Куртуа сэтгэгдлээ илэрхийлжээ. Тэрбээр “Бид алтан үеийнхэн биш ээ. Зүгээр маш их авьяастай, агуу тоглогчдын цуглуулга. “ОХУ 2018”-д бид сайн тоглох бололцоотой гэдгээ харуулсан.
Харин сүүлийн Евро, ДАШТ-д өөрсдийнхөөрөө байж чадсангүй. Ичгэвтэр байна. Хэн явж, хэн үлдэх нь үү, харж л байя. Ямар ч байсан бид өөрсдөө үүнийг хүсээгүй. Гэхдээ анхнаасаа л гурван чанга өрсөлдөгчтэй тулна гэдгээ төсөөлж байсан. Хожихын төлөө ч бүгдийг хийсэн, гэдээ энэ чинь хөлбөмбөг” гэж тэрбээр хэлсэн байна.
Бельги “F” хэсэгт дөрвөн оноотой гуравдугаар байрт орж, хасагдах шатанд шалгарч чадаагүй юм. Ингэснээр тэд 21 дүгээр зуун гарсаар оролцсон ДАШТ, Еврод анх удаа хэсгээсээ гарч чадаагүй юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.